U Turkmienistanie pačali chavać čerhi pa pradukty, kab nie psavać imidž prezidenta
Ułady horada Turkmienabad na ŭschodzie krainy pačali prymusova chavać čerhi la dziaržaŭnych kramaŭ, dzie žychary kuplajuć pradukty pa subsidziravanych cenach. Pra heta piša «Radyjo Azatłyk», miascovy filijał «Radyjo Svaboda».
Zhodna z novymi praviłami hramadzianie pavinny zarehistravacca, kab stać u čarhu, paśla zvanku jany mohuć pryjści pa pradukty ŭ pryznačany čas. Pierad kramami dazvolili źbiracca pa čatyry čałavieki, astatnija čakajuć svajoj čarhi ŭ padjezdach susiednich damoŭ.
Raniej paviedamlałasia pra anałahičnuju situacyju ŭ Ašchabadzie. Miarkujecca, što suprać čerhaŭ vystupiŭ vice-premjer Sierdar Bierdymuchamiedaŭ, syn prezidenta Turkmienistana, jaki ličyć, što «natoŭp ludziej psuje imidž baćki-prezidenta».
Palicyja Ašchabada zatrymlivaje tych, chto staić u čerhach.
Ciapier u krainie nazirajecca deficyt praduktaŭ z tatalnym ich padaražańniem. Ułady kryzisu nie pryznajuć.
Kamientary