Kiroŭca aŭtobusa pad Minskam pa hučnaj suviazi pieradaŭ pasažyram «vitańnie ad palitviaźniaŭ»
Supracoŭnik słužby biaśpieki mietro danios na jaho ŭ milicyju. Kiroŭcu pasadzili na 15 sutak.
41-hadovy minčuk Siarhiej Firaha ŭžo dva hady pracuje kiroŭcam pryharadnaha aŭtobusa ŭ adnym sa staličnych aŭtaparkaŭ. 12 krasavika kala 7:30 ranicy padčas maršrutu, na jakim jeździać šmat pastajannych pasažyraŭ znajomych ź im, mužčyna pa hučnaj suviazi pieradaŭ pryvitańni ad palitviaźniaŭ. Jaho syna Michaiła asudzili ŭ śniežni na try hady chimii za žnivieńskija pratesty, paviedamlaje spring96.org.
Siarod pasažyraŭ toj ranicy byŭ supracoŭnik słužby biaśpieki minskaha mietrapalitena, jaki paskardziŭsia na Firahu ŭ milicyju. Pavodle jaho słovaŭ, «Firaha pa hučnaj suviazi kazaŭ pra toje, što ŭ našych turmach siadzić šmat viaźniaŭ sumleńnia i nie treba zabyvać pra ich, ale zaklikaŭ da masavych mierapryjemstvaŭ nie było».
Ciarhieja zatrymali praź niekalki dzion paśla hetaj padziei i skłali pratakoł pa art. 24.23 KaAP. Jaho ŭčynak supracoŭniki milicyi rascanili jak zaklik da masavych mierapryjemstvaŭ, choć sam kiroŭca svajoj viny nie bačyć.
Na taki krok Siarhieja padšturchnuŭ aryšt jahonaha syna Michaiła Firahi. 24 śniežnia chłopcu prysudzili 3 hady chimii i ciapier jon adbyvaje pakarańnie ŭ Mścisłaŭi.
U vyniku, sudździa Minskaha rajona Alaksiej Kropačaŭ pryznaŭ Siarhieja vinavatym i aryštavaŭ jaho na 15 sutak.
«Pra jaki sajuz možna havaryć?» Łukašenka ŭ Astanie raskrytykavaŭ Rasiju za naviazvańnie utylzboraŭ15
Kamientary