Jak tak moža być, što biełaruski KDB zatrymlivaje kahości na terytoryi inšaj dziaržavy? Farmalna — nijak, ale jość niuansy
U Maskvie zatrymanyja juryst z padvojnym hramadzianstvam (biełaruskaje i amierykanskaje) Juryj Ziankovič i palitołah Alaksandr Fiaduta. Kali vieryć słovam žonki Ziankoviča, zatrymańnie pravodzili supracoŭniki biełaruskich orhanaŭ, a śpiecsłužby Rasii svaju datyčnaść admaŭlajuć.
Čytajcie taksama. KDB paćvierdziŭ infarmacyju ab zatrymańni Kastusiova i Fiaduty
Vyhladaje, što mieła miesca apieratyŭnaja kambinacyja pa vymańvańni Ziankoviča ŭ Maskvu i nastupny zachop.
Ale jak tak moža być, što KDB zatrymlivaje na terytoryi inšaj dziaržavy? A nijak.
U 108-m artykule Kryminalna-pracesualnaha kodeksa (KPK) Biełarusi napisana, što asoba, jakaja padazrajecca ŭ złačynstvie, moža być zatrymana orhanam kryminalnaha pieraśledu «ŭ miežach svajoj kampietencyi».
Naturalna, što orhany biaśpieki kankretnaj dziaržavy dziejničajuć na svajoj terytoryi i na terytoryi inšaj dziaržavy pracavać nie mohuć, inačaj heta — umiašańnie ŭ čužyja ŭnutranyja spravy. Jak i KPK, zrešty, dziejničaje tolki na terytoryi Respubliki Biełaruś.
Kali treba zatrymać kahości na terytoryi inšych dziaržaŭ, to ŭklučajecca doŭhi miechanizm ekstradycyi, jak u vypadku, naprykład, z baksioram Kudzinym: zavodzicca kryminalnaja sprava, źbirajucca papiery, pieradajucca ŭ Hienieralnuju prakuraturu. Taja źviartajecca da svaich kaleh u Rasii, a tyja ŭžo vyrašajuć, zadavolić hetuju prośbu ci nie. U vypadku zadavalnieńnia zatrymańnie pravodziać rasijskija siłaviki. Pry hetym mohuć prysutničać i biełaruskija siłaviki — heta budzie nazyvacca «sumiesnaja apieracyja».
Mahčyma, u dakumientach ab zatrymańni Ziankoviča i Fiaduty buduć stajać adznaki ab zatrymańni niedzie ŭ Biełarusi, skažam, u 100 mietrach ad hranicy z Rasijaj. Možna vykazać sumnieŭ, što ŭ dakumientach budzie paznačana terytoryja Rasii.
Ale ci pieršy heta taki vypadak? Imavierna, što nie. Abaznanyja nazyvajuć praktyku nie toje kab pašyranaj, ale prynamsi nie vyklučanaj:
«Byvała, što bandytaŭ vyvozili litaralna ŭ bahažnikach. Ale tady heta byli kankretnyja bandyty z zaviedzienymi na ich kryminalnymi spravami. Hetych ludziej nielha było pałochać rucham papier, kab nie zhubić. Jak praviła, rasijanie reahujuć na takoje davoli niervova, kali daviedvajucca, ale zaŭsiody ŭdajecca damovicca», — kaža były rabotnik śledčych orhanaŭ.
Ciapier čytajuć
Kaleśnikava: U 2020‑m ja zmahałasia nie suprać Łukašenki, a za ludziej, svabodu i svabodnyja vybary33
Kamientary