Za vydalenyja praź dziesiać chvilin paviedamleńni žychara Bresta asudzili na try hady kałonii
U sudzie Pieršamajskaha rajona Minska vynieśli prysud indyvidualnamu pradprymalniku, cyrulniku z Brestu 31-hadovamu Andreju Sačanku pa artykułach 364 i 366 KK. Jaho asudzili da troch hadoŭ pazbaŭleńnia voli ŭ kałonii ahulnaha režymu, paviedamlaje spring96.org.
Sud taksama abaviazaŭ Sačanku vypłacić maralnuju škodu ŭ pamiery dźviuch tysiač rubloŭ paciarpiełamu Kavalčuku, dziaržpošlinu — 87 rubloŭ i pracesualnyja vydatki — 12 kapiejek.
Andreja Sačanku pryznali vinavatym u tym, što ŭ žniŭni i vieraśni ŭ sacyjalnaj sietcy «UKantakcie» jon napisaŭ paviedamleńni z pahrozami hvałtu dvaim supracoŭnikam AMAP Viktaru Kraŭčuku i Rusłanu Kavalčuku, baćkam vajennaha Dzianisa Patrušava i vykładčyku MDŁU Iharu Pučeni. U vyniku hetaha jon «parušyŭ psichałahičny i dušeŭny spakoj» paciarpiełych.
Pa słovach dziaržabvinavačańnia, vina Sačanki paćviardžajecca słovami abvinavačanaha, paciarpiełych, śviedak, materyjałami spravy: skrynšotami paviedamleńniaŭ, jakija dasyłaŭ Sačanka, kamientaryi abvinavačanaha ŭ sacyjalnych sietkach.
Andrej Sačanka poŭnaściu pryznaŭ vinu pa abodvuch artykułach, ź SIZA dasyłaŭ paciarpiełym listy z prabačeńniami. Andrej Sačanka raspavioŭ, što 11 žniŭnia jaho brata zatrymali ŭ kaviarni, z maci hruba abyšlisia ŭ RAUS. Tamu kali źjaviŭsia internet, jon na emocyjach napisaŭ kamientary. Adznačyŭ, što ciaham 5-10 chvilin vydaliŭ ich, a potym — i akaŭnt «UKantakcie». Andreja zatrymali 6 studzienia ŭ Breście, dzie jon žyvie, i pryvieźli ŭ Pieršamajskaje RUUS u Minsku.
Dziaržabvinavaŭca Łapionak była ŭpeŭnienaja, što pakolki abvinavačany pryznaŭ vinu, to paćvierdziŭ dziejańni. Jana padkreśliła, što paviedamleńni byli nakiravanyja, kab pieraškodzić zakonnaj dziejnaści supracoŭnikaŭ milicyi, a pahrozy byli ŭspryniaty imi jak realnyja. Čystasardečnaje pryznańnie prakuror prasiła zaličyć jak źmiakčalnyja abstaviny. Jana paprasiła pryznać jaho vinavatym i pryznačyć try hady pazbaŭleńnia voli pavodle 364 artykuła i dva hady — pavodle artykuła 366.
U sukupnaści — asudzić Sačanku da troch hadoŭ pazbaŭleńnia voli ŭ kałonii ahulnaha režymu. Mienavita takoje pakarańnie pryznačyła sudździa.
Ciapier čytajuć
Łatuška pieramoh usich na vybarach u Kaardynacyjnuju radu13
Łatuška pieramoh usich na vybarach u Kaardynacyjnuju radu
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary