Pra śmierć znakamitaha vykanaŭcy paviedamiła ŭ fejsbuku śpiavačka Iryna Vidava. Artystka napisała, što nie stała Leanida Bartkieviča ŭ aŭtorak. Jamu byŭ 71 hod.
Leanid Bartkievič naradziŭsia 25 maja 1949 hoda ŭ Minsku, rana straciŭ baćku, vychoŭvaŭsia maci. Byŭ salistam jašče ŭ chory chłopčykaŭ Pałaca pijanieraŭ. Potym — salistam charavoha ansambla «Junactva» pry kansiervatoryi. Da hetaha skončyŭ muzyčnuju škołu ŭ kłasie truby.
Bartkievič skončyŭ architekturny technikum.
U 1970 h. byŭ uklučany ŭ skład «Pieśniaroŭ». U 1980 h. pakinuŭ ansambl. Zapisvaŭsia i vystupaŭ solna. U 1989 hodzie z žonkaj Volhaj Korbut i synam Ryčardam źjechaŭ u ZŠA. U 2000 hodzie viarnuŭsia ŭ Biełaruś.
U 1999 hodzie znoŭ staŭ salistam VIA «Pieśniary» i znachodziŭsia ŭ im da samaj śmierci jaho kiraŭnika Uładzimira Mulavina ŭ 2003 hodzie.
Leanid Bartkievič prasłaviŭsia pieśniami «Aleksandryna», «Biarozavy sok» , «Vieranika», «Alesia».
Cyrymonija raźvitańnia ź Leanidam Bartkievičam projdzie 15 krasavika ŭ Biełdziaržfiłarmonii.
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1919
Kamientary