U MUS nazvali aficyjnuju viersiju śmierci amapaŭki Skaražonak: Supracoŭnik AMAP jaje nie zabiŭ dakładna
9 studzienia 2021 hoda stała viadoma pra śmierć 29-hadovaj Śviatłany Skaražonak — supracoŭnicy žanočaha ŭzvoda minskaha AMAP. Tady ž papaŭźli čutki pra toje, što dziaŭčynu da śmierci źbiŭ muž-siłavik. Pres-słužba MUS pakinuła pytańnie pra śmierć Skaražonak biez kamientaroŭ. Ale 6 krasavika, paśla pres-kanfierencyi, pryśviečanaj prablemam chatniaha hvałtu, u MUS usio ž prakamientavali śmierć svajoj supracoŭnicy, piša Jeŭraradyjo.
«Heta poŭnaja dezynfarmacyja, pačynajučy z taho, što dziaŭčyna nie była zamužam u pryncypie. Pamierła jana ad chvaroby», — raskazała namieśnica načalnika adździeła ŭpraŭleńnia prafiłaktyki hałoŭnaha ŭpraŭleńnia achovy pravaparadku i prafiłaktyki MUS Volha Sakałoŭskaja.
Tym časam u 2016 hodzie Śviatłana Skaražonak raskazvała ŭ intervju haziecie «Minskij kuŕjer» pra toje, što jaje małady čałaviek taksama słužyć u AMAP.
«U nas z Maksimam akramia słužby šmat ahulnaha. Ja b naŭrad ci zmahła sustrakacca z čałaviekam z cyvilnych. Kali ŭ nas supadajuć vychadnyja, adpraŭlajemsia na viełaprahułki ŭ park, chodzim u kino, teatry», — kazała Śviatłana. Mužam jana jaho nie nazyvała — kazała, što «siabruje z chłopcam sa svajho padraździaleńnia».
«My raźbiralisia dla siabie, całkam padniali ŭsiu infarmacyju. Supracoŭnik AMAP jaje nie zabiŭ dakładna», — adkazvaje na heta pradstaŭnik MUS.
Śviatłana Skaražonak naradziłasia ŭ Niaśvižy. Jaje baćka byŭ pamiežnikam, u saviecki čas słužyŭ u Afhanistanie i Turkmienistanie. Maci — kultrabotnica. U siamji dziaŭčyna była adzinym dziciem.
Skončyŭšy fakultet fiłasofii i sacyjalnych navuk BDU, Śviatłana prajšła padrychtoŭku ŭ navučalnym centry MUS, a ŭ 2014 hodzie realizavała studenckuju maru i stała słužyć u AMAP.
Deputatka, jakaja rychtuje pryhažuń dla Łukašenki, vyjšła zamuž16
Kamientary