Uładzimira Niapomniaščych z Homiela asudzili na dva hady i try miesiacy kałonii
U sudzie Savieckaha rajona Homiela 7 krasavika vyniesieny prysud pa kryminalnaj spravie ŭ dačynieńni da hramadskaha dziejača i palityka Uładzimira Niapomniaščych, piša spring96.org.
Sud nad im raspačaŭsia 29 sakavika i ad samaha pačatku źjaŭlaŭsia faktyčna zakrytym, bo adbyvaŭsia na terytoryi Homielskaha SIZA №3. Advakat daŭ padpisku ab nierazhałošańni.
Homielskamu hramadskamu aktyvistu i palityčnamu źniavolenamu vystavili abvinavačvańnie za publičnuju abrazu prakurora (artykuł 369 Kryminalnaha kodeksa). Jon byŭ pad vartaj z 25 śniežnia minułaha hoda, adpaviedna śledstva doŭžyłasia try miesiacy.
Pa materyjałach śledstva, Uładzimira Niapomniaščych abvinavačvali ŭ abrazie pamočnicy prakurora Homiela Alesi Žuraŭskaj niepasredna ŭ zale suda. Paśla abviaščeńnia prysudu 26 listapada Hieorhiju Vasilenku za padniaty na fłahštoku bieł-čyrvona-bieły ściah na homielskaj płoščy, dzie Žuraŭskaja padtrymlivała dziaržabvinavačvańnie, aktyvist skazaŭ: «Arhanizavanaja złačynnaja hrupa».
Uładzimir Niapomniaščych viny nie pryznaŭ i zajaviŭ, što hety vyraz mieŭ dačynieńnie da abvieščanaha kryminalnaha prysudu.
Siońnia sudździa Mocharaŭ pryznaŭ Uładzimira Niapomniaščych vinavatym i prysudziŭ da dvuch hadoŭ i troch miesiacaŭ pazbaŭleńnia voli ŭ kałonii ahulnaha režymu.
Na karyść pakryŭdžanaj prakurorki Alesi Žuraŭlovaj sud vyrašyŭ spahnać a asudžanaha 1000 rubloŭ.
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma16
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary