Pry ERRT-terapii pacyjent zapisvaje na papiery svoj son dakładna tak, jak jon jaho pamiataje, abo z novym varyjantam zakančeńnia. Inšy mietad lačeńnia, IRT-terapija, vučyć pacyjentaŭ kantralavać načnyja kašmary z dapamohaj asensavańnia snoŭ.
Kali pandemija kavidu nabrała abaroty, ludzi stali čaściej bačyć anamalnyja sny i navat načnyja kašmary. Čaściej za ŭsio hetaja źjava adznačałasia ŭ krainach z vysokim uzroŭniem zaražeńniaŭ ci ŭ tych krainach, dzie byŭ uviedzieny strohi łakdaŭn.
Šmat ludziej ciapier znachodziacca ŭ stanie chraničnaha stresu, asabliva heta datyčycca miedykaŭ, što niepasredna zmahajucca ź virusam. Praciahłyja pieryjady stresu, što doŭžacca miesiacy ci hady, zdarajucca niačasta, i ŭ sučasnaj historyi ich možna paraŭnać tolki z vajennym časam. Viadoma, što chraničny stres značna ŭpłyvaje na pracu našaha mozhu, i ludzi ŭ takim stanie čaściej bačać kašmary, piša VVS.
Ź inšaha boku, jarkija sny mohuć dapamahčy nam apracavać emocyi i ŭspaminy minułaha dnia, a taksama trochi pierahrupavać starejšyja ŭspaminy. U asnoŭnym heta prachodzić padčas fazy «chutkaha snu», bo mienavita jana ŭ asnoŭnym źviazanaja z emacyjnymi ŭspaminami, jakija i składajuć asnovu našych snoŭ. Isnuje hipoteza, što paśla takoj pierapracoŭki my pačynajem stavicca da stresavych padziej mienš emacyjna.
Paśla načnoha kašmaru zona mozhu, što rychtuje nas da stresavych situacyj, pracuje aktyŭniej, nibyta son vučyć nas, jak dziejničać u žyćci. Mahčyma, što našamu mozhu patrebnaje hetaje pierapracoŭvańnie infarmacyi, kab pierazahruzicca pierad novym dniom.
Tamu nastupny raz, kali vy pabačycie načny kašmar, usprymajcie jaho jak sposab vašaha mozhu rehulavać emocyi praz pazbaŭleńnie ad stresu minułaha dnia. Treba turbavacca tolki ŭ tym vypadku, kali takija sny stanoviacca rehularnymi abo pačynajuć niejkim čynam upłyvać na vaša zdaroŭje. Dla bolšaści ludziej, chutčej za usio, drennyja sny prynosiać tolki karyść.
Isnuje niekalki mietadaŭ pracy z načnymi kašmarami ŭ tym vypadku, kali jany robiacca rehularnymi. Adzin ź ich — ERRT-terapija. Padčas jaje pacyjent zapisvaje na papiery svoj son dakładna tak, jak jon jaho pamiataje, abo z novym varyjantam zakančeńnia. Inšy mietad lačeńnia, IRT-terapija, vučyć pacyjentaŭ kantralavać načnyja kašmary z dapamohaj asensavańnia snoŭ.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary