Hienprakuratura raspačała spravu ab paklopie za infarmacyju ŭ telehram-kanale «Biełyja chałaty»
Zhodna z materyjałami spravy, niavyśvietlenaja asoba 16 sakavika «pašyryła zaviedama iłžyvyja vydumki ab abstavinach śmierci žančyny ŭ kardyjałahičnym adździaleńni Maładziečanskaj centralnaj rajonnaj balnicy», jakuju ŭ hety dzień naviedvaŭ Alaksandr Łukašenka, paviedamlaje Tut.by.
— Svajaki i miedycynskija rabotniki, aburanyja skažeńniem faktaŭ i ich tyražavańniem, źviarnulisia ŭ pravaachoŭnyja orhany z prośbami razabracca ŭ tym, što zdaryłasia, i dać pravavuju acenku cyničnamu ŭčynku, — zajavili ŭ Hienprakuratury.
Kryminalnaja sprava raspačataja pa art. 188 (paklop) KK Biełarusi i nakiravana ŭ Śledčy kamitet.
Pra što idzie havorka?
Paśla naviedvańnia Alaksandram Łukašenkam balnicy ŭ Maładziečnie, u tielehram-kanale «Biełyja chałaty» źjaviłasia infarmacyja ab tym, što ŭ hety dzień tam pamierła žančyna — nibyta achova Alaksandra Łukašenki nie prapuściła da jaje reanimatołaha. Hetaja infarmacyja prajšła niezaŭvažanaj, a rezanans vyklikała dziaržaŭnaja presa, jakaja stała tyražavać kamientar hałoŭnaha doktara Maładziečanskaj CRB Darji Kaladzič.
Jana zajaviła, što tak, fakt śmierci pacyjentki byŭ — ad uskładnieńnia, vyklikanaha išemičnaj chvarobaj serca. Žančyna pamierła ŭ kardyjałahičnym korpusie balnicy. Pry hetym hałoŭny doktar pakazała, što ŭ korpusie byŭ svoj dziažurny reanimatołah, a Alaksandr Łukašenka znachodziŭsia ŭ hety momant u inšym korpusie.
-
«Ja jedu natchnicca ŭkraincami». Śviatłana Cichanoŭskaja pačała aficyjny vizit va Ukrainu
-
«Dumali, bandyty, akazałasia — palicyja». Udzielniki pierastrełki ŭ Polščy raskazali svaju viersiju, ale pytańniaŭ mienš nie stała
-
Z-za školnaj party — u namiot na 15 čałaviek. Jak staršakłaśnikaŭ buduć prymusova rychtavać da słužby
Kamientary