Biełaruskaja sietka restaranaŭ Burger King paviedamiła pra źmieny, źviazanyja z budučaj źmienaj imidžu, a taksama abviaściła ab adsutnaści ŭ firmiennym burhiery Vopiery štučnych farbavalnikaŭ, aramatyzataraŭ i uzmacnialnikaŭ smaku.
Skład i jakaść praduktaŭ, ź jakich hatujuć Vopier i inšyja stravy, buduć pakładzienyja ŭ asnovu novaha imidžu brenda. Rebrendynh pravodzicca va ŭsich krainach upieršyniu za 20 hadoŭ. Abnaŭleńni zakranuć ŭsie vizualnyja elemienty: łahatyp, ŭpakoŭku, mieniu, uniformu supracoŭnikaŭ, sacyjalnyja sietki i markietynhavuju stratehiju.
Abrany styl, jarkija kolery i reljefnaja tekstura novaha łahatypa i elemientaŭ dyzajnu zaklikanyja simvalizavać evalucyju brenda i akcentavać uvahu na jakaści praduktaŭ biez štučnych farbavalnikaŭ, aramatyzataraŭ i uzmacnialnikaŭ smaku.
U dyzajnie znajšli adlustravańnie asnoŭnyja charaktarystyki brenda: apietytny, sakavity, dziorzki i sapraŭdny. Pry hetym novy šryft atrymaŭ nazvu «Ahoń».
Sietka abviaściła ab pierachodzie na novuju viersiju mižnarodnaha standartu jakaści i biaśpieki ISO22000. Standart praduhledžvaje sistemu kiravańnia pracesami pa zabieśpiačeńni biaśpieki charčovaj pradukcyi na ŭsich etapach ad pastaŭki praduktaŭ, zachoŭvańnia da vytvorčaści hatovych straŭ. Heta dazvalaje harantavać vysokuju jakaść dla naviedvalnikaŭ.
Sietka restaranaŭ chutkaha absłuhoŭvańnia «Burhier Kinh» pracuje ŭ Biełarusi z 2015 hoda i siońnia pradstaŭlena 32 restaranami ŭ Minsku i Minskim rajonie, Viciebsku, Homieli, Breście, Mahilovie, Hrodnie i Mazyry. U kožnym horadzie pracuje biaspłatnaja dastaŭka.
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona
Kamientary