Biełteleradyjokampanija pakul nie pryniała kančatkovaje rašeńnie nakont udziełu krainy ŭ hetym hodzie ŭ konkursie «Jeŭrabačańnie». Pra heta TASS paviedamili ŭ piatnicu ŭ pres-słužbie.
«Ciapier Biełteleradyjokampanija znachodzicca ŭ bieśpierapynnym dyjałohu z pastajannymi słužbami Jeŭrapiejskaha viaščalnaha sajuza (JEVS), pravaŭładalnika konkursu pieśni «Jeŭrabačańnie».
Jak tolki budzie pryniata kančatkovaje rašeńnie ab farmacie ŭdziełu, Biełteleradyjokampanija budzie hatovaja adkazać na ŭsie pytańni, źviazanyja z arhanizacyjaj dadzienaha prajekta», — adznačajecca ŭ paviedamleńni biełaruskaj teleradyjokampanii.
Jeŭrapiejski viaščalny sajuz 11 sakavika pryniaŭ rašeńnie ab niadopusku da ŭdziełu ŭ konkursie «Jeŭrabačańnie» pieśni «Ja navuču ciabie» hurta «Hałasy ZMiesta», što pradstaŭlajuć Biełaruś, u jaje ciapierašnim vyhladzie.
Arhanizatary konkursu adznačyli, što analiz pieśni biełaruskich vykanaŭcaŭ pakazaŭ, što jana «stavić pad sumnieŭ niepalityčny charaktar konkursu». Sajuz taksama prapanavaŭ dasłać źmienienuju viersiju kampazicyi abo vybrać novuju, adpaviednuju praviłam «Jeŭrabačańnia». U advarotnym vypadku ŭ hetym hodzie Biełaruś moža być dyskvalifikavana.
Ciapier čytajuć
19‑hadovy kursant Akademii MUS nabiŭ sabie na łbie mišeń i pajechaŭ šturmavać Zaparožža. Ideja spracavała22
19‑hadovy kursant Akademii MUS nabiŭ sabie na łbie mišeń i pajechaŭ šturmavać Zaparožža. Ideja spracavała
Statkievič: Lidary ruchu za demakratyju pavinny zastavacca ŭ krainie, navat kali košt hetaha vialiki. Dyjaspara moža adyhrać tolki dapamožnuju rolu5454
Kamientary