U Hiermanii biełarus na fury trapiŭ u DTZ sa stratami 120 tysiač jeŭra
U niamieckim horadzie Štur, ziamla Nižniaja Saksonija, adbyłosia DTZ z udziełam dvuch hruzavikoŭ, adnym ź jakich kiravaŭ naš suajčyńnik. Pra heta paviedamlaje miascovaja palicyja, piša sajt «Biełaruś i mir».
Avaryja zdaryłasia ŭ aŭtorak 3 sakavika kala 9:30 ranicy na aŭtabanie A1, na ŭčastku pamiž raźviazkami Štur i Brynkum. Praz maštabnyja budaŭničyja raboty na moście Viezierbruk ruch tut byŭ zapavoleny.
U niejki momant 62‑hadovy kiroŭca adnaho z hruzavikoŭ byŭ vymušany rezka zatarmazić. 33‑hadovy biełarus na fury, jaki jechaŭ za im, nie paśpieŭ zreahavać i, niahledziačy na sprobu ŭchilicca ŭleva, reznuŭsia ŭ transpartny srodak zzadu.
Naš suajčyńnik atrymaŭ niaznačnyja traŭmy. Mužčynu akazali mieddapamohu na miescy, a zatym na chutkaj dastavili ŭ balnicu, adkul jon vypisaŭsia ŭ toj ža dzień. Adnak ciahač i paŭpryčep biełarusa byli całkam raźbityja. Toje ž adbyłosia i z paŭpryčepam 62‑hadovaha kiroŭcy, jaki zastaŭsia cełym.
Ahulnaja škoda ŭ vyniku skłała prykładna 120 tysiač jeŭra. Dla razbłakavańnia i ačystki darohi jaje całkam pieraciali ŭ napramku Hamburha.
U vyniku pierakryćcia na aŭtamahistrali ŭźnik zator, u jakim paźniej, a 14:50, adbyłosia jašče adno DTZ — sa śmiarotnym vynikam.
«U siarednim kiroŭca aŭtavoza atrymlivaje 130 jeŭra za sutki». Dalnabojščyk ź Viciebska apisaŭ svaju pracu
«Mihranty zaleźli ŭ pryčep, pakul kaleha zajazdžaŭ na parom». Biełaruski dalnabojščyk raskazaŭ pra ryzyki pracy ŭ Jeŭropie
Maštaby, jakich vy nie mahli sabie ŭjavić — biełaruskija cyharety kurać u mnohich krainach Jeŭropy. Jak pracuje hety biznes
Ciapier čytajuć
Pieršaja viasna na voli. Nina i Uładzimir Łabkovičy raskazali pra svaju historyju kachańnia i žyćcio paśla turmy5
Kamientary