Kiraŭniku i konsułu Hienieralnaha konsulstva Polščy ŭ Harodni prapanavana pakinuć Biełaruś, paviedamlaje MZS.
U MZS Biełarusi 11 sakavika byŭ vyklikany časovy pavierany ŭ spravach Polščy ŭ Biełarusi Marcin Vajciachoŭski.
«U suviazi z praźmiernym, asimietryčnym i destruktyŭnym adkazam Polščy na pravamocnaje i matyvavanaje rašeńnie Biełarusi ŭ dačynieńni da konsuła Hienieralnaha konsulstva Polščy ŭ Breście Ježy Cimafiejuka, a taksama ŭ suviazi ź ihnaravańniem adpaviednych prośbaŭ biełaruskaha boku, na padstavie artykułaŭ 23 i 55 Vienskaj kanviencyi ab konsulskich znosinach da polskaha boku daviedziena rašeńnie ab niemetazhodnaści prysutnaści na terytoryi Biełarusi kiraŭnika i konsuła Hienieralnaha konsulstva Polščy ŭ Hrodnie», — zajavili ŭ MZS.
Polskamu boku ŭručana nota z prapanovaj nazvanym asobam pakinuć terytoryju Biełarusi na praciahu 48 hadzin.
Nahadajem, 9 sakavika ŭ MZS Biełarusi byŭ vyklikany Časovy pavierany ŭ spravach Polščy ŭ Biełarusi Marcin Vajciachoŭski. Padčas sustrečy polskamu dypłamatu byŭ zajaŭleny rašučy pratest u suviazi z udziełam konsuła Hienieralnaha konsulstva Respubliki Polšča ŭ Breście Ježy Cimafiejuka ŭ nieaficyjnym mierapryjemstvie, pryśviečanym «dniu vyklatych žaŭnieraŭ», jaki prajšoŭ 28 lutaha 2021 hoda ŭ Breście z udziełam pradstaŭnikoŭ źviazanych z Polščaj niaŭradavych i moładzievych arhanizacyj.
Na dumku biełaruskaha boku, udziełam va ŭkazanym mierapryjemstvie polski pradstaŭnik «hruba parušyŭ normy mižnarodnaha prava, u pryvatnaści — Vienskuju kanviencyju ab konsulskich znosinach».
Konsułu Hienieralnaha konsulstva Respubliki Polšča ŭ Breście Ježy Cimafiejuku prapanavana pakinuć terytoryju Respubliki Biełaruś.
Nacyjanalny Dzień pamiaci «vyklatych žaŭnieraŭ» adznačajecca ŭ Polščy 1 sakavika z 2011 hoda. Havorka idzie pra ŭdzielnikaŭ antysavieckaha padpolla, jakija zmahalisia za niezaležnaść krainy.
Siarod sotni tysiač hetych bajcoŭ, jakich u Polščy ličać hierojami-vieteranami, byli i sałdaty atrada Buraha, jakija spalili piać viosak na terytoryi ź biełaruskim pravasłaŭnym nasielnictvam.
Da 2021 hoda ŭšanavańnie pamiaci AKaŭcaŭ nie vyklikała takoj reakcyi biełaruskich uładaŭ. Ciapier heta adbyłosia na fonie rezkaha paharšeńnia biełaruska-polskich adnosin, jak i adnosin Biełarusi ź inšymi jeŭrapiejskimi krainami.
Vysyłka ź Biełarusi adrazu troch konsułaŭ moža ŭskładnić praces vydačy viz biełarusam.
Ciapier čytajuć
Stali viadomyja padrabiaznaści pra trahiedyju ŭ Połackim manastyry3
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary