Papa Rymski ŭpieršyniu ŭ historyi prybyŭ u Irak, kab damahčysia abarony dla miascovych chryścijan
Papa Rymski Francysk prybyŭ u Irak: heta pieršy ŭ historyi vizit kiraŭnika Rymska-katalickaj carkvy ŭ hetuju krainu i pieršaja mižnarodnaja pajezdka papy z pačatku pandemii, piša Bi-Bi-Si.
Kiraŭnik Vatykana adpraviŭsia ŭ pajezdku, niahledziačy na ŭsplosk zaražeńnia kavidam u Iraku i ryzyki dla jaho biaśpieki. 84-hadovy Francišak nastojvaje, što zachoŭvaje viernaść svajmu pastyrskamu abaviazku.
Meta jahonaha vizitu — umacavać sercy chryścijanskaj supolnaści ŭ Iraku i pasprabavać naładzić mižrelihijny dyjałoh.
U krainie papa praviadzie čatyry dni: jon sustreniecca ź irakskimi chryścijanami, pahutaryć z hałoŭnym šyickim śviatarom, pračytaje malitvu ŭ Masule i adsłužyć imšu na stadyjonie ŭ Arbile.
Dla abarony papy i jaho pastvy ŭłady Iraka vyłučyli dziesiać tysiač supracoŭnikaŭ słužbaŭ biaśpieki. Dla praduchileńnia raspaŭsiudu kavidu ŭ krainie ŭviedzienaja kruhłasutkavaja kamiendanckaja hadzina.
U aeraporcie Bahdada pantyfika sustreli čyrvonaj dyvanovaj darožkaj, «Odaj da radaści» Bietchoviena i nacyjanalnymi tancami.
Niahledziačy na niespakojnuju abstanoŭku ŭ krainie, usiaho praź niekalki hadzin paśla rakietnaha abstrełu amierykanskaj bazy ŭ Iraku ŭ sieradu, papa zajaviŭ, što irakskich chryścijan nielha padvieści ŭ druhi raz. U 1999 hodzie papa Jan Pavieł II admianiŭ pajezdku ŭ Bahdad paśla pravału pieramovaŭ z uradam tahačasnaha prezidenta Sadama Chusejna.
Za dva dziesiacihodździ, jakija prajšli z tych časoŭ, kolkaść adnoj z samych staražytnych chryścijanskich supołak śvietu ŭpała z 1,4 miljona da prykładna 250 tysiač čałaviek, ciapier heta mienš za 1% nasielnictva krainy.
Mnohija chryścijanie biehli ź Iraka, ratujučysia ad škvału hvałtu na relihijnaj hlebie, jaki achapiŭ krainu paśla vajennaha ŭvarvańnia ZŠA ŭ 2003 hodzie, u vyniku jakoha byŭ skinuty Sadam Chusejn.
Dziasiatki tysiač chryścijan byli vymušanyja pakinuć svaje damy, kali bajeviki hrupoŭki «Isłamskaja dziaržava» (ID, pryznana terarystyčnaj i zabaroniena ŭ mnohich krainach) uvarvalisia ŭ Paŭnočny Irak u 2014 hodzie, razburyŭšy cerkvy, zachapiŭšy ich ułasnaść i pastaviŭšy ich pierad vybaram: płacić padatak, pierajści ŭ isłam, biehčy abo pamierci.
Čaho spadziajecca dasiahnuć papa padčas vizitu?
Kiraŭnik Rymska-katalickaj carkvy choča padtrymać hnanych chryścijanaŭ i zaklikać da miru na sustrečach z palityčnymi i relihijnymi lidarami Iraka.
Ciapier čytajuć
Vandroŭnik i biznesoviec ź Minska za dva dni znajšoŭ sabie praz sacsietki niaviestu — najbolš spadabałasia dziaŭčyna z Rasii27
Vandroŭnik i biznesoviec ź Minska za dva dni znajšoŭ sabie praz sacsietki niaviestu — najbolš spadabałasia dziaŭčyna z Rasii
«Ź piaci varyjantaŭ try kvatery zdavalisia tolki hramadzianam Biełarusi». Rasijanie pierajechali ŭ Homiel paśla ataki USU na Bransk — što ich dzivić?3636
Kamientary