ZŠA ŭviali sankcyi suprać jašče 43 biełaruskich čynoŭnikaŭ, sudździaŭ, prakuroraŭ, siłavikoŭ i rabotnikaŭ VNU
ZŠA ŭvodziać sankcyi ŭ dačynieńni da 43 hramadzian Biełarusi za «padryŭ demakratyi». Pra heta havorycca ŭ zajavie dziaržsakratara ZŠA Entani Blinkiena.
— Siońnia Dziarždepartamient ZŠA raspačaŭ dziejańni dla vykanańnia prakłamacyi prezidenta 8015, kab uvieści vizavyja abmiežavańni suprać 43 biełaruskich fizičnych asob, adkaznych za padryŭ demakratyi ŭ Biełarusi. Heta aznačaje, što ŭ asnoŭnym jany pazbaŭlajucca prava na ŭjezd u Złučanyja Štaty, — havorycca ŭ dakumiencie.
U zajavie adznačajecca, što ZŠA zaniepakojenyja žorstkim uciskam mirnych demanstrantaŭ, aktyvistaŭ i žurnalistaŭ, pieratrusami ŭ pravaabarončaj arhanizacyi «Viasna», Biełaruskaj asacyjacyi žurnalistaŭ i ŭ niezaležnych prafsajuzach, jakija prajšli 16 lutaha, a taksama vyniasieńniem prysudu 18 lutaha žurnalistam Kaciarynie Andrejevaj i Darji Čulcovaj.
Sa słoŭ Blinkiena, u novy sankcyjny śpis uklučanyja vysokapastaŭlenyja rabotniki sudoŭ, kiraŭnictva pravaachoŭnych orhanaŭ i šarahovyja supracoŭniki, jakija zatrymlivali ŭdzielnikaŭ akcyj pratestu, a taksama sudździ, prakurory i rabotniki VNU.
Jon nahadaŭ, što raniej ZŠA ŭžo dvojčy ŭvodzili vizavyja abmiežavańni suprać hramadzian Biełarusi i Rasii za «padryŭ demakratyi ŭ Biełarusi» — ahułam suprać 66 čałaviek.
— Złučanyja Štaty praciahvajuć padtrymlivać mižnarodnyja namahańni pa niezaležnym rasśledavańni parušeńniaŭ na vybarach u Biełarusi i nastupnych represij. My padtrymlivajem advažny narod Biełarusi i jaho prava na svabodnyja i spraviadlivyja vybary, — havorycca ŭ zajavie.
Čytajcie taksama: Vialikabrytanija ŭviała sankcyi suprać 27 biełaruskich čynoŭnikaŭ i sudździaŭ — siarod ich Švied, Kačanava, Ejsmant, Šabunia
Ciapier čytajuć
Łukašenka vykazaŭsia pra deficyt miedykaŭ i prapanavaŭ im pracavać bolš3
Kamientary