«Pastupajuć pahrozy na mabilny numar». Vajskoŭcy sa «spravy Šutava» ŭ Breście patrabujuć zakryć praces
Ab hetym paciarpiełyja Haŭryłaŭ i Halicyn zajavili na druhi dzień pracesu. Jany śćviardžajuć, što turbujucca ab ułasnaj biaśpiecy, piša Radyjo Svaboda.
Sud pa spravie Alaksandra Kardziukova i Hienadzia Šutava pačaŭsia ŭ Breście ŭ aŭtorak. Na im u jakaści paciarpiełych znachodziacca vajskoŭcy marjinahorskaha śpiecnaza (vajskovaja častka № 89417) Raman Haŭryłaŭ i Arsienij Halicyn.
U pracesie byli ahučanyja niekatoryja ich danyja, a taksama imiony i miesca słužby. Vyśvietliłasia, što mienavita Raman Haŭryłaŭ streliŭ u Hienadzia Šutava i zabiŭ jaho.
Čytajcie:
«Chacieŭ strelić u pieradplečča». Vajskoviec, jaki 11 žniŭnia zabiŭ Hienadzia Šutava, daŭ pakazańni
Zakryć praces paciarpiełyja sprabavali jašče da pačatku słuchańniaŭ. Jany padychodzili da sakratara i patrabavali puścić u zału tolki «pravilnych ludziej». U vyniku ich prośba nie była zadavolenaja, u zału trapili žurnalisty i rodnyja, siabry abvinavačanych Šutava i Kardziukova.
«Chaču zajavić chadajnictva ab viadzieńni zakrytaha sudovaha pasiadžeńnia ŭ suviazi ź nieabchodnaściu harantavańnia biaśpieki paciarpiełych, — zajaviŭ sudździ Arsienij Halicyn adrazu na pačatku pasiadžeńnia. — Nam pastupajuć pahrozy na mabilnyja telefony ź nieviadomych numaroŭ. «Jak žyviecca tvaim baćkam, jak im śpicca? Dobra? Ciabie znojduć, my ciabie prykončym», — pracytavaŭ Halicyn paviedamleńni sa svajho telefona.
Jon taksama paviedamiŭ, što pahrozy pačali prychodzić jamu adrazu paśla zaviaršeńnia pieršaha dnia pasiadžeńnia. Druhi paciarpieły, Raman Haŭryłaŭ, taksama raskazaŭ pra pahrozy ŭ svoj adras i paprasiŭ zakryć sud.
Chadajnictva paciarpiełych padtrymaŭ prakuror Hienadź Bury, suprać vystupiŭ abvinavačany Kardziukoŭ i dačka abvinavačanaha Hienadzia Šutava Anastasija. Sudździa Śviatłana Kremianioŭskaja paśla karotkaj narady ŭ chadajnictvie admoviła, sud praciahvajecca ŭ adkrytym režymie.
-
Kibierpartyzany daviedalisia pra jašče adnaho ahienta KDB, jaki moža być datyčnym da źniknieńnia Mielnikavaj
-
U Homieli piensijanier vysadziŭ u dvary drevy. Ale ich vierchaviny paabłomvała złaja 90-hadovaja susiedka
-
U Biełarusi zabaranili kitajskija telefony. Norma ŭtrymańnia śvincu ŭ ich była pieravyšana ŭ 330 razoŭ
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii15
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4141
Kamientary