MZS Biełarusi 4 miesiacy marynuje akredytacyi zamiežnych ŚMI. Rasijskija nie ŭ lik
2 kastryčnika minułaha hoda Ministerstva zamiežnych spraŭ anulavała akredytacyi ŭsim zamiežnym žurnalistam, jakija pracavali ŭ Biełarusi. Z 5 kastryčnika była abjaŭlena pieraakredytacyja, paviedamlaje BAŽ.
Z prahresiŭnaha, u pałažeńni skaracilisia terminy razhladu dakumientaŭ: dla časovaj akredytacyi heta 5 dzion, dla pastajannaj — 30.
Ale jany nie vykonvajucca. Mnohija zamiežnyja vydańni ŭ kastryčniku adrazu padali dakumienty ŭ MZS. Adkazu — ni stanoŭčaha, ni admoŭnaha — niama dahetul.
Situacyju prakamientavaŭ pres-sakratar MZS Anatol Hłaz. Amal 4-miesiačnuju zatrymku ŭ viedamstvie tłumačać karanavirusam. Pa słovach Anatola Hłaza, apošnim časam kamisii, jakaja prymaje rašeńnie, nie prosta sabracca na svajo pasiadžeńnie.
Kolki zajavak na akredytacyju siońnia čakajuć razhladu, u viedamstvie adrazu paviedamić nie zdoleli. Ale adznačyli, što za hety čas kamisija taki zmahła vydać kala 100 akredytacyj.
Imavierna, ilvinuju dolu takich akredytacyj vydali rasijskim vydańniam kštałtu Sputnik i RIA «Novosti». Žurnalistaŭ hetych vydańniaŭ ułady apošnimi dniami ŭ pryjarytetnym paradku puskajuć na sudovyja pracesy, kudy dla inšych žurnalistaŭ čamuści ŭvachod zakryty.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Trahiedyja z 30‑hadovaj doktarkaj sa Starobina — pajšła vydalać zub mudraści i pamierła24
Kamientary