Kiraŭnik BRSM: Usie pieramohi i dasiahnieńni za 26 hadoŭ niezaležnaści adbylisia pad našym dziaržaŭnym ściaham
Kiraŭnik BRSM Dźmitryj Varaniuk vykazaŭsia ab aficyjnaj simvolicy. Na jahonuju dumku, «usie pieramohi i dasiahnieńni za 26 hadoŭ niezaležnaści adbylisia pad našym dziaržaŭnym ściaham», piša BiełTA. Nahadajem, Biełaruś stała niezaležnaj dziaržavaj u 1991 hodzie, h.zn. 30 hadoŭ tamu.
«Sioleta BRSM budzie realizavany šerah novych prajektaŭ. Adzin ź ich — «Rodnaje — narodnaje», u ramkach jakoha my taksama prapanujem stvaryć «Letapis Dziaržaŭnaha ściaha Respubliki Biełaruś». Usie pieramohi i dasiahnieńni za 26 hadoŭ niezaležnaści adbylisia pad našym dziaržaŭnym ściaham. I my ŭžo ciapier viadziom raspracoŭku elektronnaha resursu, dzie buduć adlustravany asnoŭnyja viechi i dasiahnieńni našaj niezaležnaj suvierennaj Biełarusi. Chočacca, kab u kožnaha ŭ domie byŭ dziaržaŭny ściah. Biezumoŭna, kožny hramadzianin Biełarusi pavinien pavažać i viedać na pamiać himn svajoj krainy. Heta vielmi važna. Našy dziaržaŭnyja simvały — hierb, ściah, himn — zaŭsiody ŭ nas u sercy. I my budziem aktyŭna papularyzavać ich moładzievaj sučasnaj movaj», — skazaŭ Varaniuk.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary