Apłata pa sistemie raspaznavańnia tvaru, vierahodna, chutka zamienić bankaŭskija kartki
Jašče niadaŭna heta padavałasia vydumkaj z navukova-fantastyčnaha filma. Ale ŭ vialikich haradach Kitaja i ZŠA tranzakcyjami takoha typu ŭžo karystajucca štodnia miljony razoŭ.
Uvieś praces raspaznańnia tvaru zajmaje 5 siekund i źjaŭlajecca całkam bieskantaktnym. Ni smartfon, ni bankaŭskaja kartka, ni inšyja formy identyfikacyi bolš nie patrebnyja. Kab raspłacicca, dastatkova pahladzieć na svajo adlustravańnie ŭ manitory, prymacavanym da kasy, piša BBC.
Sistema identyfikacyi tvaru ažyćciaŭlajecca z dapamohaj amierykanskaha technałahičnaha startapa PopID. Nieabchodna zarehistravacca na veb-sajcie, zapampavać fotazdymak svajho tvaru, jaki zachoŭvajecca ŭ vobłačnaj sistemie firmy, a zatym pryviazać svoj akaŭnt da bankaŭskaj kartki.
Hałoŭny dyrektar firmy PopID pierakanany, što heta samy zručny i biaśpiečny sposab identyfikacyi. Fotazdymak, zrobleny sistemaj u kramie, adrazu ž źniščajecca, a źviestki nikomu nie pieradajucca. U toj ža čas apłata z dapamohaj hetaj technałohii bolš biaśpiečnaja ŭ adroźnieńnie ad apłaty smartfonam, jaki moža adsočvać i pieradavać źviestki ab miescaznachodžańni. Usie fota ŭ PopID źjaŭlajucca matematyčnymi mapami z unikalnymi viektarami tvaru.
Na ciapierašni momant sistema PopID nie raspaznaje ludziej u maskach, ale, jak śćviardžajuć pradstaŭniki firmy, technałohija budzie ŭdaskanalvacca.
Pandemija paspryjała chutkamu raspaŭsiudžvańniu sistem razpaznańnia tvaraŭ u Kitai. Ekśpierty śćviardžajuć, što sistemu niemahčyma padmanuć, a prahramnaje zabieśpiačeńnie nastolki daskanałaje, što technałohija dazvalaje adroźnivać navat bliźniat. Imavierna, što ŭ chutkim časie sistema razpaznańnia tvaraŭ budzie aktyŭna vykarystoŭvacca va ŭsim śviecie.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary