Fond Navalnaha vypuściŭ rasśledavańnie pra «pałac Pucina». Jon abyšoŭsia ŭ $1,35 miljarda
Fond baraćby z karupcyjaj rasijskaha apazicyjaniera Alaksieja Navalnaha vypuściŭ rasśledavańnie pra «pałac Pucina», pabudavany ŭ Hielendžyku. U filmie raspaviadajecca pra historyju rezidencyi, na ŭźviadzieńnie jakoj, pavodle źviestak FBK, było vydatkavana $1,35 miljarda, i pakazvajucca jaje interjery.
Tak zvany «pałac Pucina», jon ža rezidencyja na mysie Idakopas, byŭ zbudavany ŭ 2005-2010 hadach na čarnamorskim uźbiarežžy niepadalok ad Hielendžyka. Pra toje, što jon byŭ pabudavany dla prezidenta Rasii, u 2010 hodzie zajaviŭ biznesmien Siarhiej Kaleśnikaŭ. Jon ža acaniŭ košt prajekta ŭ 1 miljard dalaraŭ.
U rasśledavańni Fondu baraćby z karupcyjaj, jak śćviardžajecca, raskrytaja schiema finansavańnia budaŭnictva pałaca, a taksama pakazanyja jaho interjery.
«Heta samaje achoŭnaje miesca ŭ Rasii, faktyčna dziaržava ŭ dziaržavie, i heta samy vialiki pucinski sakret. Jaki źbierahajuć sotni, navat tysiačy čałaviek — ad nieviadomych achoŭnikaŭ, sadoŭnikaŭ i budaŭnikoŭ da samych bahatych i znakamitych ludziej u Rasii», — havorycca va ŭstupleńni da rasśledavańnia. Sama pabudova pałaca nazvanaja «samym vialikim chabaram u historyi».
Ciapier čytajuć
Pamiłavanyja 15 čałaviek, siarod jakich 13 palitviaźniaŭ14
Pamiłavanyja 15 čałaviek, siarod jakich 13 palitviaźniaŭ
Najbujniejšaj u śviecie fan-supolnaściu Łedzi Hahi kiruje chłopiec ź Minska, jaki adsiedzieŭ za pratesty. Rasijanie paśpiašalisia zapisać jaho ŭ svaje1616
Kamientary