Kiraŭnik IIHF Fazel padzialiŭsia ŭražańniami ab razmovie z Alaksandram Łukašenkam 11 studzienia ŭ Minsku.
president.gov.by
— Vy ŭśviedamlali, nakolki dalikatnaj moža być sustreča tvar u tvar z Łukašenkam, jaki padviarhajecca astrakizmu na mižnarodnaj arenie? Čamu vy pajšli na takuju ryzyku?
— Rychtujučysia da vizitu, biełaruski pasoł daŭ nam zrazumieć, što Łukašenka prymaje vielmi mała ludziej, i što ja adzin ź ich. Jon taksama pakazaŭ, što my taksama pavinny abmierkavać usie važnyja pytańni. Ja ŭbačyŭ mahčymaść, moža być, pieratvaryć hety čempijanat śvietu ŭ čempijanat śvietu pa prymireńni, kab stymulavać dyjałoh z apazicyjaj z dapamohaj hetaha čempijanatu śvietu. Dyjałohu, pa ŭsioj bačnaści, ciapier nie isnuje. Voś u čym drama: pradstaŭniki apazicyi kažuć nam, što jany chočuć hetaha čempijanatu śvietu, što heta čempijanat śvietu dla naroda. Ale dyjałohu pamiž uładaj i apazicyjaj vidavočna niama.
— Vy nie pieraaceńvajecie svaje mahčymaści? Chiba heta nie sproba ŭdzielničać u palitycy praz sport?
— My viedali, što šaniec niešta źmianić składaje kala adnaho pracenta. Ale kali jość hety maleńki šaniec, to varta pasprabavać.
— Jakija byli temy razmovy?
— My dali zrazumieć, što čempijanat śvietu pa chakiei niemahčymy bieź źmieny palityčnaj situacyi ŭ krainie.
— Vy pradjaŭlali patrabavańni?
— Nie. My nie možam vystaŭlać palityčnych patrabavańniaŭ. My pieradali paviedamleńnie ab tym, što ŭ nas prablemy z praviadzieńniem čempijanatu śvietu praz adnosiny da situacyi krain Zachadu. Jon skazaŭ nam, što jaho praca — harantavać biaśpieku ŭ svajoj krainie i abaraniacca ad lubych pahroz z-za miažy. Apazicyja vidavočna ŭsprymajecca jak pahroza
Ciapier čytajuć
Padpałkoŭnika z fakulteta vajskovaj raźviedki sudziać za «zdradu dziaržavie» pa spravie, jakaja vyhladaje palityčnaj. Što pra jaho viadoma?6
Kamientary