«Mianie aburaje sacyjalnaja niespraviadlivaść». Pačaŭsia sud pa spravie 18-hadovaj Safii, jakaja raśpisała «Rubiažy»
U sudzie Kastryčnickaha rajona pačaŭsia praces pa spravie 18-hadovaj Safii Małaševič, jakaja padčas akcyi pratestu naniesła nadpisy na ščyty vajskoŭcaŭ. Śledstva traktavała heta jak chulihanstva. Akramia taho, jaje abvinavačvajuć u abrazie Łukašenki: dvojčy demanstravała płakaty ź niehatyŭnaj acenkaj jaho dziejnaści. Taksama dziaŭčynie pradjaŭlena abvinavačańnie va ŭdziele va «ŭpartym bieśpierapynnym» masavym mierapryjemstvie, što paciahnuła parušeńnie raboty transpartu i arhanizacyj. U spravie jašče adzin abvinavačany — 18-hadovy žychar Bresta Cichan Klukač, pryjaciel Safii, jaki razam ź joj byŭ na akcyi 6 vieraśnia kala Pałaca niezaležnaści.
6 vieraśnia Cichan Klukač vyrašyŭ uziać udzieł u niadzielnym maršy razam sa svajoj dziaŭčynaj Safijaj Małaševič. Dziaržabvinavaŭca Krupickaja začytała, što Klukač i Małaševič ruchalisia pa prajeznaj častcy darohi, rabili hučnyja vopleski rukami, vykarystoŭvali apazicyjnuju simvoliku, išli ŭ pieršych šerahach kałony, tym samym ździejśnili złačynstva pa č. 1 art. 342 KK (karajecca štrafam, abo aryštam, abo abmiežavańniem voli na termin da troch hadoŭ, abo pazbaŭleńniem voli na toj ža termin). Infarmacyi pra ŭron transpartnym ci inšym kampanijam nie prahučała ŭ abvinavačvańni.
Taksama Sofji i Cichanu pradjaŭlenaje abvinavačvańnie ŭ hrupavym chulihanstvie (č. 2 art. 339 KK, karajecca aryštam, abo abmiežavańniem voli na termin da troch hadoŭ, abo pazbaŭleńniem voli na termin ad adnaho hoda da šaści hadoŭ). U abvinavačvańni adznačana, što 6 vieraśnia maładyja ludzi nanieśli vulharnyja nadpisy na zaharadžalnych ščytach, jakija naležać vajskovaj čaści 63755 i byli vystaŭlenyja kala Pałaca niezaležnaści. Dziaržabvinavaŭca padkreśliła, što dziejničali abvinavačanyja z vyklučnym cynizmam, demanstravali pahardu da maralnych kaštoŭnaściaŭ hramadstva, vajskovaj čaści byŭ naniesieny ŭron na sumu 103 rubli. Safija jašče da suda kampiensavała ŭron.
Cichan vykazvaŭ niazhodu z falsifikacyjaj vynikaŭ prezidenckich vybaraŭ, rastłumačyŭ jon. Abvinavačvanyja kažuć, što ŭśviedamlajuć, što ździejśnili, parušać zakon namieraŭ nie majuć. Pravaabaroncy pryznali Safiju i Cichana palitviaźniami.
Čytajcie taksama: Pamiatajecie dziaŭčynu, jakaja tančyła la «Rubiaža»? Jana raskazała, čamu znoŭ vychodzić na pratesty, choć joj pahražaje 6 hadoŭ
Ciapier čytajuć
Inžyniera-kanstruktara z upraŭleńnia «Pielenha», jakoje robić techniku dla rasijskaha vojska, asudzili pa palityčnych artykułach2
Kamientary