Dacent kanstytucyjnaha prava: Varta dadać u Kanstytucyju jašče adzin dziaržaŭny simvał — deviz «Žyvie Biełaruś!»
Dacent kanstytucyjnaha prava Ivan Plachimovič, aŭtar dvuchtomnaha «Kamientaryja da Kanstytucyi Respubliki Biełaruś», vystupiŭ z prapanovaj — zamacavać u Kanstutycyi jašče adzin dziaržaŭny simvał.
«Ciapierašniaja Kanstytucyja Biełarusi, jak i kanstytucyi pieravažnaj bolšaści dziaržaŭ, praduhledžvaje try dziaržaŭnyja simvały: ściah, hierb i himn. Adnak niekatoryja krainy majuć jašče i inšyja dziaržaŭnyja simvały.
U Francyi niama hierba, zatoje jaje Kanstytucyja zamacoŭvaje razam sa ściaham i himnam: deviz Respubliki — «Svaboda, Roŭnaść, Braterstva». Hety suśvietna viadomy deviz biare svoj pačatak ad Vialikaj francuzskaj revalucyi XVIII st.;
pryncyp Respubliki — praŭleńnie naroda, pavodle voli naroda i dla naroda.
Simvałami Brazilii, adpaviedna jaje Kanstytucyi, źjaŭlajucca ściah, hierb, himn i piačatka.
Jość słovy, jakija mahli b stacca dziaržaŭnym simvałam Biełarusi. Ich viedaje kožny naš suajčyńnik, i zamieny im niama: «Žyvie Biełaruś!». Hety vyraz nabyŭ druhoje dychańnie ŭ siońniašniaj krainie, bo źjaŭlajecca adnym ź simvałaŭ masavych vystupleńniaŭ biełarusaŭ», — tłumačyć Ivan Plachimovič.
«Deviz dziaržavy varta ŭklučyć taksama ŭ kanstytucyjny tekst prysiahi prezidenta, jakuju jon budzie prynosić padčas zastupleńnia na pasadu. Aficyjnaje pryznańnie devizu dziaržavy sadziejničała b raźvićciu i adzinstvu biełaruskaj nacyi, umacavańniu jaje duchu, pakazvała b usiamu śvietu našuju admietnaść, — pierakanany juryst. —
Słovam «Žyvie Biełaruś!» užo bolš za 100 hadoŭ, a ich aŭtarstva naležyć Janku Kupału. U 1905—1907 hh. jon napisaŭ vierš «Heta kryk, što žyvie Biełaruś», jaki skančvajecca takimi radkami:
A vot jak nie lubić heta pole, i bor,
I zialony sadok, i kryklivuju huś!..
A što časam tut strašna zajenča vichor, —
Heta jenk, heta kryk, što žyvie Biełaruś!»
Viadomy biełaruski juryst: Prava na supraciŭleńnie pryhniotu vynikaje z Kanstytucyi, a ŭ budučyni pavinna być prapisana ŭ joj
«Niazručnaha» dacenta Plachimoviča zvolnili z BDU
-
Ty ruskamoŭny čałaviek śvietu ci ty čałaviek biełaruski? Kiejs Nasty Rahatko
-
«Vałasy dybaram». U jutubie źjavilisia videaroliki pa historyi Biełarusi, ad pačatku da kanca napisanyja štučnym intelektam
-
Nasta Rahatko: Usich, chto suprać udziełu biełarusaŭ u iventach rasijan, ja čakaju ŭbačyć na kirmašach polskich, brytanskich, ispanskich
Ciapier čytajuć
Na «Hrodna Azocie» skončyŭ žyćcio samahubstvam namieśnik načalnika cecha1
Na «Hrodna Azocie» skončyŭ žyćcio samahubstvam namieśnik načalnika cecha
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary