«Dyk u čym prablema, čaho vy leziecie ŭ tuju Rasii, dzie vam vyśpiatki dajuć? Niaŭžo vy nie razumiejecie, što ŭžo nie pieršy raz stvarajecca situacyja, kali nas chočuć uziać holeńkimi i hołymi rukami, biaspłatna?».
Užo na nastupny dzień paśla adjezdu ź Minsku rasijskich premjer‑ministra i ministra finansaŭ Pucina i Kudryna, Łukašenka sklikaŭ naradu pa sacyjalna‑ekanamičnych pytańniach.
Pa tonie razmovy možna zdahadacca, nakolki paśpiachova prajšli pieramovy z pradstaŭnikami Kramla. Łukašenka vidavočna byŭ nie ŭ humory, jon piersanalna papiaredziŭ staršyniu ŭradu Siarhieja Sidorskaha i kiraŭnika Nacbanku Piatra Prakapoviča, što skončyŭsia čas kłaniacca Rasii.
«Ź siońniašniaha dnia hety čas skončyŭsia, prychodzić novy čas.
Nie vychodzić u Rasii — nie treba bić pakłony, nyć, płakać, treba šukać svajo ščaście ŭ druhoj častcy płaniety. Ja heta śviadoma publična kažu», — adznačyŭ kiraŭnik dziaržavy.
Łukašenka byŭ aburany zajavami Kudryna. «My ŭčora nazirali cikavuju situacyju, kali prezident Biełarusi siadzieŭ z Uładzimiram Pucinym i absalutna na siabroŭskaj nocie abmiarkoŭvajem pytańni. I narmalna idzie abmierkavańnie. A ŭ hety čas Alaksiej Kudryn daje pres‑kanfierencyju sutnaść jakoj — pasiejać paniku ŭ Biełarusi. Jon całkam kansalidavaŭsia z našymi admarozkami, jakija tut na zachodnija hrošy viakajuć i pačynajuć vučyć pracavać», — zaznačyŭ Alaksandr Ryhoravič.
Łukašenka zaklikaŭ Sidorskaha nie vadzić ministraŭ pa zvykłych darožkach, a
«treba iści na inšyja miescy, dzie nas nie viedajuć, dzie nas čakajuć, i handlavać — dziesiaćciu traktarami, adnym kambajnam, pa čajnaj łyžcy cukar vazić».
«Dyk u čym prablema, čaho vy leziecie ŭ tuju Rasii, dzie vam vyśpiatki dajuć? Niaŭžo vy nie razumiejecie, što ŭžo nie pieršy raz stvarajecca situacyja, kali nas chočuć uziać holeńkimi i hołymi rukami, biaspłatna? Bo ŭčora Pucin skazaŭ, što na padlocie da Minska jany z Kudrynym abmierkavali situacyju. I tut Kudryn razraziŭsia tyradaj. Što, heta było nie ŭzhodniena? Usio heta ŭzhodniena», — skazaŭ Łukašenka.
Biełarusi lider zapeŭniŭ, što sprava nie ŭ Asiecii i Abchazii. «Zapomnicie: nijakich vymolvańniaŭ i vyprošvańniaŭ. Kali niama ŭ ich 500 miljonaŭ dalaraŭ, jakija navat daŭno abiacali, i my spłanavali svoj biudžet adpaviedna, to nie chadzicie i nie prasicie. Davajcie budziem budavać svaju ekanomiku i palityku jak suvierennaja niezaležnaja dziaržava. Kali my narešcie pačniom myślić jak čynoŭniki suvierennaj dziaržavy?»
«Hulnia pačataja pa‑bujnomu, majcie na ŭvazie. Vybudujem — budzie dziaržava. Nie vybudujem — samnuć i biaspłatna ŭ kišeniu pakładuć, budziem biehać potym i pahladvać naleva i naprava, kab kavałak chleba sa stała kinuli»
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»17
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4242
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie42
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ88
Kamientary