Chakiery vydalili instahram Maryi Vasilevič z 38 tysiačami čytačoŭ. Jana stvaryła novy — na jaho padpisalisia tolki 500 čałaviek
«Mis Biełaruś 2018» i deputatka Maryja Vasilevič straciła svoj akaŭnt u instahramie @by_vasilevich na 38,6 tysiač fałovieraŭ: jaho ŭzłamali i vydalili chakiery.
«Darahija chakiery, vy kaniečnie vialikija prafiesijanały, vašy b zdolnaści, dy ŭ mirny kirunak… I kali vy choć na chvilinu stali ščaślivyja, adtaho, što vydalili moj akaŭnt, ja praŭda rada, što chaj i ŭskosna, ale akazałasia datyčnaj da vašaha dobraha nastroju!» — napisała Vasilevič u pieršym dopisie svajho novaha instahram-akaŭnta (punktuacyja aŭtarskaja).
Druhi dopis Vasilevič pryśviaciła tamu, što adchryściłasia ad zakonaprajekta, jaki dazvalaje pazbaŭlać biełarusaŭ hramadzianstva: «Ja nikoli nie prapanoŭvała hety zakonaprajekt ahułam, i dadzienuju normu ŭ pryvatnaści. Raspracoŭščykam abnoŭlenaha zakona vystupiła MUS», — napisała jana.
Pieršy dopis na momant publikacyi sabraŭ 198 łajkaŭ, druhi — 258.
Vyhladaje, što da raniejšych ličbaŭ Vasilevič vierniecca niachutka: za pieršyja try dni isnavańnia novaha akaŭnta intares da jaho prajavili tolki 495 padpisantaŭ.
Juraś Ziankovič raskazaŭ pra svajo vyzvaleńnie i šlach u ZŠA6
Kamientary