Z 00.00 21 śniežnia ź Biełarusi bolš nielha vyjechać praz naziemnyja punkty propusku. Tut.by nahadvaje samaje važnaje, što ciapier treba viedać pra miežy tym, chto płanuje pajezdku.
Ciapier hramadzianam Biełarusi nielha vyjechać z krainy praz naziemnyja punkty propusku. Možna vyjechać praz aeraport — i zaraz heta adziny dastupny sposab. Takija ž praviły zrabili dla zamiežnikaŭ, u jakich jość dazvoł na pastajannaje abo časovaje pražyvańnie ŭ Biełarusi.
Jość vyklučenni. Naprykład, vyjechać ź Biełarusi pa ziamli možna, kali ŭ vas kamandziroŭka abo ciažka chvory svajak za miažoj. Pryčynu vyjezdu treba budzie paćvierdzić dakumientami. Poŭny śpis pryčyn i patrebnych dakumientaŭ možna pahladzieć na sajcie DPK.
Na biełaruska-rasijskaj miažy niama punktaŭ propusku. Heta značyć, što vyjezd u hetym kirunku ź biełaruskaha boku nie abmiežavany. Praŭda, rasijski bok dazvalaje ŭjezd tolki dla tych, u kaho jość padstava (poŭny śpis — na sajcie pamiežnaj słužby FSB Rasii).
Dla zamiežnikaŭ vyjezd ź Biełarusi nie abmiežavany. Kali zamiežnik choča pryjechać u Biełaruś — heta možna zrabić praz aeraport, a praz naziemnyja miežy ŭjezd zamiežnikaŭ abmiežavany (jość vyklučeńni). Taksama zamiežnikam starejšym za 6 hadoŭ dla ŭjezdu ŭ Biełaruś nieabchodny śviežy admoŭny PCR-test.
10-dzionnaja samaizalacyja abaviazkovaja tolki dla tych, chto prybyŭ z krain, uklučanych u pieralik Ministerstva achovy zdaroŭja. Kali samaizalacyja pačałasia, vyjechać ź Biełarusi nielha, pakul 10 dzion nie skončylisia.
Kolki praciahnucca abmiežavańni — pakul nie viadoma. «Prahnazavać terminy admieny abo źmieny [abmiežavańni] ja b nie staŭ, - kazaŭ Tut.by Anton Byčkoŭski, aficyjny pradstaŭnik Dziaržaŭnaha pahraničnaha kamiteta. — Razam z tym chacieŭ by adznačyć, što, vierahodna, hetyja patrabavańni buduć karektavacca pa miery źmieny epidemijałahičnaj situacyi da lepšaha».
Ciapier čytajuć
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary