Eks-načalnica ŭpraŭleńnia kultury Mahiloŭskaha harvykankama raspaviała pra cisk u SIZA KDB
U Mahilovie praciahvajecca sud nad eks-načalnikam upraŭleńnia kultury Mahiloŭskaha harvykankama. Irynu Žabaravu abvinavačvajuć u chabarnictvie. Abvinavačanaja zajaviła na pasiadžeńni 14 śniežnia ab tym, što na jaje akazvajuć psichałahičny cisk, paskardziłasia na KDB i «niečałaviečyja ŭmovy ŭtrymańnia ŭ SIZA», piša 6tv.by.
Pa słovach čynoŭnicy, na praciahu prykładna dvuch miesiacaŭ jana znachodziłasia ŭ adzinočnaj kamiery, dzie adsutničaŭ unitaz i chałodnaja vada. Taksama jana była pazbaŭlenaja nieabchodnych žanočych hihijeničnych srodkaŭ. Na dopyt jaje mahli vyklikać i a 23, i a 24 hadzinie nočy, dzie nibyta šantažyravali mahčymaściu telefonnych razmoŭ z rodnymi, kab damahčysia ad padazravanaj nieabchodnych pryznańniaŭ i jaŭki z pavinnaj.
Spravu razhladaje sudździa Alena Sieladcova.
Raniej abvinavačanaja napisała čystasardečnaje pryznańnie i chadajničała ab zaklučeńni dasudovaha pahadnieńnia. Paśla jana źmianiła svaje pakazańni. Jak zaraz tłumačyć hetyja dziejańni Iryna Žabarava, na praciahu doŭhaha času jana nie mahła sustrecca sa svaim raniejšym advakatam. Paźniej, u jaho prysutnaści i pad dyktoŭku śledčaha jana napisała nibyta patrabavanyja śledstvam pakazańni, u pryvatnaści paznačyła nazvanyja siłavikami sumy chabaraŭ, pakolki raźličvała, što jaje vypuściać z-pad varty, a pakarańnie nie budzie źviazana z pazbaŭleńniem voli. Paśla taho, jak Žabarava, pa jaje słovach, zrazumieła, što śledstva nie źbirajecca vykonvać svaje abiacańni, jana źmianiła pakazańni. Taksama žančyna źmianiła i advakata.
Na pytańni sudździ i pradstaŭnika dziaržabvinavačańnia, čamu ž jana nie paviedamlała pra cisk i nie pisała skarhi, Žabarava raskazvała, što joj pahražali, kab jana hetaha nie rabiła, i tym samym nie pakidali vybaru.
Ciapier eks-čynoŭnica całkam admaŭlaje abvinavačanyja joj złačynstvy — chabary na ahulnuju sumu bolš čym u 31 tysiaču rubloŭ, atrymanyja, pavodle źviestak śledstva, ad hiendyrektara ZAT «Łaziernyja šoŭ-sistemy» Alaksandra Laksakova, jaki taksama prachodzić pa spravie Žabaravaj, i dyrektara pryvatnaha pradpryjemstva «Art-kancert» Mažejki.
Nastupnaje pasiadžeńnie pa karupcyjnaj spravie pryznačana na 16 śniežnia.
-
KDB pryznaŭ ekstremisckim farmavańniem «Biełaruskuju nacyjanalnuju kaalicyju», a zahinułaha Mikitu Kryŭcova nazvaŭ adnym ź jaje arhanizataraŭ
-
U Minsku ŭłady pradajuć kvateru ekanamista Paŭła Daniejki
-
25‑hadovuju dyzajnierku ź Pinska, jakaja raśpisvała ścieny dla sacyjalnaha centra, asudzili za palityku
Ciapier čytajuć
Vandroŭnik i biznesoviec ź Minska za dva dni znajšoŭ sabie praz sacsietki niaviestu — najbolš spadabałasia dziaŭčyna z Rasii4
Vandroŭnik i biznesoviec ź Minska za dva dni znajšoŭ sabie praz sacsietki niaviestu — najbolš spadabałasia dziaŭčyna z Rasii
«Ź piaci varyjantaŭ try kvatery zdavalisia tolki hramadzianam Biełarusi». Rasijanie pierajechali ŭ Homiel paśla ataki USU na Bransk — što ich dzivić?3636
Kamientary