Barysievič zastajecca pad vartaj. Sud nie źmianiŭ mieru ŭtrymańnia na bolš miakkuju, choć žurnalistka adna vychoŭvaje dačku
Razhlad skarhi prachodziŭ u zakrytym režymie. Publična było abvieščana tolki rašeńnie, samu Kaciarynu ŭ sud nie dastavili i na abviaščeńnie navat nie padklučyli jaje praz skajp. Abarona prasiła abrać u dačynieńni da Kaciaryny Barysievič mieru, nie źviazanuju z zaklučeńniem pad vartu.
Hiendyrektar «Tutbaj miedyja» Ludmiła Čekina i viadomy advakat Dźmitryj Haračka byli hatovyja dać asabistaje paručalnictva, što Kaciaryna, znachodziačysia na voli, nie budzie pieraškadžać śledstvu. Adnak sudździa Taćciana Akavitaja pakinuła skarhu biez zadavalnieńnia.
Nahadajem, Hienieralnaja prakuratura raspačała kryminalnuju spravu pa č. 3 art. 178 KK (Razhałašeńnie miedyčnaj tajamnicy, jakoje paciahnuła ciažkija nastupstvy, sankcyja artykuła praduhledžvaje da 3 hadoŭ pazbaŭleńnia voli sa štrafam i z pazbaŭleńniem prava zajmać peŭnyja pasady abo zajmacca peŭnaj dziejnaściu abo biez pazbaŭleńnia prava na pracu i prafiesiju), śledstva viaduć supracoŭniki Hienprakuratury. Abvinavačvańnie vystavili žurnaliscy Kaciarynie Barysievič, jakaja rychtavała artykuł ab Ramanie Bandarenku, i doktaru Arciomu Sarokinu, jaki akazvaŭ jamu miedycynskuju dapamohu.
Adznačym, što ni Sarokin, ni Barysievič raniej nie pryciahvalisia da kryminalnaj adkaznaści, źjaŭlajucca hramadzianami Biełarusi, majuć pastajannaje miesca žycharstva ŭ krainie i pracu, stanoŭčuju charaktarystyku ź miesca pracy.
U Arcioma Sarokina troje dziaciej, Kaciaryna Barysievič adna vychoŭvaje niapoŭnahadovuju dačku — usio heta dobra viadoma śledstvu, ciapier i sudu, adnak miera strymańnia zastajecca maksimalna strohaj.
Farmalna fihurantaŭ mohuć utrymlivać pad vartaj da suda da šaści miesiacaŭ, zatrymali ich 19 listapada.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Ciapier čytajuć
Jamu vybili čatyry zuby, a paśla vykinuli z krainy. Ciapier byłoha palitviaźnia aryštavali ŭ Łatvii z šaściu mihrantami ŭ mašynie12
Kamientary