Pasoł Mieziencaŭ: Rozyhryš «rasijskaj karty» biełaruskaj apazicyjaj nie maje pierśpiektyvy
Pasoł Rasii ŭ Biełarusi Dźmitryj Mieziencaŭ pierakanany, što ŭ biełaruskaj apazicyi nie atrymajecca vykarystać «rasijskuju kartu» dla dasiahnieńnia svaich palityčnych metaŭ.
«Sproby niekatorych arhanizataraŭ pratestaŭ ci režysioraŭ, jakija chočuć stavić palityčnyja śpiektakli na «sceničnaj placoŭcy» ŭ Biełarusi — z rozyhryšam rasijskaj karty ŭ imknieńni spravakavać mahčymaje napružańnie ŭ adnosinach Rasii da Biełarusi, nie majuć pierśpiektyvy», — zajaviŭ mieziencaŭ žurnalistam u sieradu ŭ Minsku, piša «Interfaks».
«Pazicyja rasijskaha boku ŭ dačynieńni da braterskaj Biełarusi nie mianiajecca ŭ zaležnaści ad tych ci inšych kanjunkturnych krokaŭ zachodnich partnioraŭ Minska. Jana niaźmiennaja. Heta sistema maštabnych sajuźnickich adnosin, šmatkroć paćvierdžanych siońnia i nakiravanych na budučyniu», — skazaŭ pasoł RF.
«Prezident Rasii Uładzimir Pucin pravodzić niaźmiennuju palityku ŭ padtrymku ŭsiaho biełaruskaha naroda, brackaj respubliki», — padkreśliŭ jon.
U suviazi z hetym «ličyć, što niechta ŭ toj ci inšaj zachodniaj stalicy, abviaščajučy tyja ci inšyja restrykcyi ŭ dačynieńni da Biełarusi, zmoža nadłamić praktyku dvuchbakovych adnosin — heta značyć nie razumieć hłybiniu i maštab našaha supracoŭnictva».
Na jahonuju dumku, «biełaruskija partniory zrobiać pravilnyja vysnovy z tych krokaŭ, jakija robiacca na Zachadzie i jakija źjaŭlajucca prykładam najhrubiejšaha ŭmiašańnia va ŭnutranyja spravy suvierennaj dziaržavy».
Taksama Mieziencaŭ vykazaŭ dumku, što situacyja vakoł Biełhazprambanka nie pavinna być palityzavanaj, i dziaržava nie pavinna ŭmiešvacca ŭ dyjałoh z akcyjanierami.
«Pytańnie dyjałohu z akcyjanierami, u jaki dziaržava nie pavinna ŭmiešvacca, pavinien być vyrašany pa-za «palityčnym paradkam». Miarkuju, što mienavita ŭ takim klučy buduć pieraadolenyja ŭsie tyja składanaści, jakija ŭźnikli vakoł hetaha banka», — skazaŭ Mieziencaŭ žurnalistam u sieradu ŭ Miensku.
Pa jaho słovach, «situacyju z hetym finansavym instytutam važna razhladać z punktu hledžańnia vykanańnia nacyjanalnaha zakanadaŭstva, i staracca nie padkručvać tyja ci inšyja vyniki, navat kali jany zdajucca niehatyŭnymi, da paradku dvuchbakovych adnosinaŭ».
«Pierakanany, što tak i budzie. Tym bolš, što kiraŭnik biełaruskaj dziaržavy adznačyŭ zacikaŭlenaść u zachavańni i ŭmacavańni Biełhazprambanka. Dla hetaha ŭžo zroblena niamała», — dadaŭ pasoł.
Kamientary