«Spynieńnie hvałtu, adstaŭka Łukašenki, novyja vybary». U strajk syšli dva rabotniki na BiełAZie i try na «Biełaruśkalii»
Rabotniki bujnych pradpryjemstvaŭ praciahvajuć ustupać u strajk. Dvoje rabotnikaŭ BiełAZa napisali zajavy ab dałučeńni da ahulnanacyjanalnaha strajku. Taksama da strajku dałučylisia jašče troje rabotnikaŭ «Biełaruśkalija», piša Tut.by.
Dvoje rabotnikaŭ BiełAZa, elektrazvarščyk 6-ha razradu zvaračnaha cecha Aleh Saśnicki i frezieroŭščyk 6-ha razradu instrumientalnaha cecha Siarhiej Valenciukievič, dałučylisia da ahulnanacyjanalnaha strajku z 9 listapada.
U zajavach, jakija rabotniki napisali na imia hiendyrektara pradpryjemstva, pieraličvajucca ich patrabavańni: adstaŭka Alaksandra Łukašenki i praviadzieńnie sumlennych vybaraŭ, vyzvaleńnie ŭsich palitviaźniaŭ, spynieńnie hvałtu z boku supracoŭnikaŭ MUS u dačynieńni da mirnych hramadzian. U zajavie Siarhieja Valenciukieviča jość jašče adno patrabavańnie — zvolnić majstra i načalnika cecha, jakija, pa jaho zajavach, akazvajuć cisk na rabočych.
— Svaju zajavu Siarhiej prynios na apieratyŭku, ranišniuju naradu z načalstvam. Z saboj jon uziaŭ bieł-čyrvona-bieły ściah, — raspaviadajuć rabotniki BiełAZa.
Taksama pracaŭniki pradpryjemstva paviedamlajuć, što z momantu pačatku ahulnanacyjanalnaj zabastoŭki z zavoda zvolnili traich.
— Administracyja pačała žorstka sačyć za tym, kab aktyvisty vychodzili za terytoryju zavoda nie paśla zakančeńnia źmieny, a paźniej. Adzin z rabotnikaŭ PSTM (udzielničaŭ u schodach u žniŭni, vyjšaŭ z praŭładnaha prafsajuza ŭ vieraśni) pierasiok prachadnuju paśla kanca źmieny, ale na dźvie chviliny raniej, čym chočacca administracyi. Śpiarša jaho pazbavili 20% premii, a potym načalnik cecha pastaviŭ jaho pierad vybaram — zvolnicca albo pa pahadnieńni bakoŭ, albo pa artykule za sistematyčnyja parušeńni pracoŭnaj dyscypliny, — raspaviadajuć rabotniki.
Taksama ranicaj 9 listapada da stački dałučylisia jašče troje rabotnikaŭ «Biełaruśkalija»: dziažurny elektraślesar učastka PUVRKT rudnika 3RU Maksim Danilevič, ramontnik SAF-4 Siarhiej Ražko i ślesar-ramontnik SAF-4 Dźmitryj Bykaŭ.
-
U minskija kramy zavieźli ekzatyčnyja płady z Kałumbii
-
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami
-
Jak ciapier vyhladaje staradaŭni kaścioł, na vyratavańnie jakoha dziaržava źbiraje achviaravańni FOTY
Ciapier čytajuć
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami54
Kamientary