Alaksandr Kłaskoŭski. Kropki nad «i»1515

Łukašenka: U niekaha ŭ Rasii niešta śviarbić...

...dyk čuchajcie ŭ inšym miescy! Pajezdku ŭ Salihorsk Łukašenka napoŭnicu vykarystaŭ dziela pijaraŭskich metaŭ. Adpracavany ŭsie adčuvalnyja pytańni: ad vizitu ŭ Vatykan da «dezy» ab prodažy «Iskanderaŭ» Iranu dy Siryi. Piša ŭ svaim błohu na NN Alaksandar Kłaskoŭski.

Pajezdku ŭ Salihorsk Łukašenka napoŭnicu vykarystaŭ dziela pijaraŭskich metaŭ. Adpracavany ŭsie adčuvalnyja pytańni: ad vizitu ŭ Vatykan da «dezy» ab prodažy «Iskanderaŭ» Iranu dy Siryi.

U šachciorskim horadzie Łukašenka vykazvaŭsia pa-narodnamu sakavita. Śpiekulacyi maskoŭskich dziejačaŭ na jahonaj idei fiks — sastykavać u Biełarusi pantyfika z patryjarcham — aficyjny kiraŭnik adkamientavaŭ tak: «Jakaja tut palityka? U niekaha ŭ Rasii niešta śviarbić, jak kazaŭ Čarnamyrdzin. Dyk čuchajcie ŭ inšym miescy!».

(I tut ža pierajšoŭ na palityku, pryznaŭšysia, što papa dy kardynał Biertone spryjajuć naładžvańniu dyjałohu z Zachadam.)

Uvohule Rasii trapiła na arechi. Na jaje čarhovy raz uskładziena vina za pravał sajuznaha prajekta.

Takim svojeasablivym mietadam ad zvarotnaha zavualavana apraŭdvajecca ciapierašniaje zbližeńnie ź ES. Pry hetym Łukašenka tradycyjna zapeŭniŭ, što «ni ŭ jaki drejf [na Zachad] my nie kładziemsia».

Miž tym jon hatovy «zmahacca za zonu svabodnaha handlu, što ŭklučaje nas i Jeŭrasajuz». A taksama z Ukrainaj i dziaržavami Bałtyi pracavać nad raźvićciom «tak zvanaha kalidora № 9 z varahaŭ u hreki», na što miarkujecca atrymać miljard jeŭra inviestycyj. Vidavočna, što takija sumy natchniajuć aficyjny Minsk bolej, čym dekłaracyi Jeŭraparłamienta.

Zaznačym: zona svabodnaha handlu vymahaje ŭstupleńnia krainy ŭ Suśvietnuju handlovuju arhanizacyju i ŭvohule ŭstalavańnia cyvilizavanych pravił hulni ŭ ekanomicy. Uklučna z admovaj ad ulubionaha pratekcyjanizmu. Kali namier surjozny, to daviadziecca značna karektavać «biełaruskuju madel».

Daŭšy adłup «ukidam», što Biełaruś nibyta majecca pradavać S-300 dy «Iskandery» Tehieranu i Damasku, Łukašenka jašče raz pakazaŭ, što vielmi nie choča, kab niejkaja łyžka dziohciu sapsavała zaraz narmalizacyju z Zachadam.

Uvohule značnaja častka vykazvańniaŭ u Salihorsku — heta adbivańnie infarmacyjnych atak Maskvy. Chvalaj adpaviednych publikacyj jana vydaje svajo sapraŭdnaje, adroznaje ad taho, što dekłarujecca z kryvymi dypłamatyčnymi ŭśmieškami, staŭleńnie da ŭdziełu Biełarusi va «Uschodnim partniorstvie».

Biełaruski kiraŭnik tuju prahramu choć i ŭchvalaje, ale pry hetym nie zdradžvaje sabie. Voś jahonaja fiłasofija prahmatyzmu ŭ stasunkach z Zachadam:

«Pry čym tut pravy čałavieka da nafty i hazu? Dzie ZŠA kuplajuć naftu i haz — chiba ŭ samych demakratyčnych, na ich dumku, dziaržavach?».

Jeŭropie daviadziecca mieć spravu ź ćviordym areškam.

Kamientary15

Ciapier čytajuć

Pamior 50-hadovy śpiecnazaviec Bućko. Jon byŭ udzielnikam vykradańnia i zabojstva Zacharanki i Hančara36

Pamior 50-hadovy śpiecnazaviec Bućko. Jon byŭ udzielnikam vykradańnia i zabojstva Zacharanki i Hančara

Usie naviny →
Usie naviny

Inicyjatyva Maldzis vykupiła «Vialikaje mastactva artyleryi» Kazimira Siemianoviča7

Nastaŭnikam u škołach zabaranili karystacca mabilnymi telefonami padčas urokaŭ3

«Ultraekzotyka dla samotnaha turysta». Ci zacikavić Iran biełarusaŭ i ci pajeduć turysty ź Irana ŭ Biełaruś1

Pahladzicie, jakija rečy stvaryli biełaruskija dyzajnierki, natchniajučysia Paleśsiem i pieraasensoŭvajučy asabisty bol4

Siarožami i Vałodziami ciapier nazyvajuć zredźčas4

U ZŠA biazdomny mužčyna zabiŭ 23-hadovuju ŭkrainskuju mastačku i madel4

Archieołahi pastaryli Miensk na 70 hadoŭ4

«Usio tak ci inakš budzie vyrašacca na poli boju». Čym budzie zajmacca novaja kiraŭnica Misii demakratyčnaj Biełarusi va Ukrainie?16

U Hrodnie małanka ŭdaryła prosta pierad žančynaj1

bolš čytanych navin
bolš łajkanych navin

Pamior 50-hadovy śpiecnazaviec Bućko. Jon byŭ udzielnikam vykradańnia i zabojstva Zacharanki i Hančara36

Pamior 50-hadovy śpiecnazaviec Bućko. Jon byŭ udzielnikam vykradańnia i zabojstva Zacharanki i Hančara

Hałoŭnaje
Usie naviny →

Zaŭvaha:

 

 

 

 

Zakryć Paviedamić