Łukašenka rasijskamu pasłu: Ja hatovy prysłuchoŭvacca da mierkavańniaŭ pasłoŭ nakont tych ci inšych pryznačeńniaŭ
Alaksandr Łukašenka zaklikaŭ kiraŭnikoŭ dypłamatyčnych pradstaŭnictvaŭ u Biełarusi da bolš intensiŭnych i adkrytych znosinaŭ. Takuju zajavu jon zrabiŭ padčas sustrečy z pasłom Rasii Alaksandram Surykavym, paviedamlaje pres‑słužba prezidenta.
Alaksandr Łukašenka zajaviŭ, što ŭ metach paźbiahańnia insinuacyj u ŚMI i palityčnych kołach jon hatovy adkazać ščyra na lubyja pytańni zamiežnych dyppradstaŭnikoŭ. «Heta tyčycca ŭsich śfier, — zaznačyŭ jon. — Da prykładu, ja hatovy paviedamić vam ab niadaŭniaj sustrečy z prezidentam Ukrainy, ab pierśpiektyvach našaha ŭdziełu va Uschodnim partniorstvie, a taksama ab lubych kadravych pryznačeńniach». Pavodle słoŭ prezidenta, jon hatovy prysłuchoŭvacca da mierkavańniaŭ pasłoŭ nakont tych ci inšych pryznačeńniaŭ na dziaržaŭnyja pasady.
U svaju čarhu Alaksandr Surykaŭ nazvaŭ rašeńnie biełaruskaha prezidenta ab sieryi sustreč z dyppradstaŭnikami vielmi pravilnym i svoječasovym, asabliva na fonie hłabalnaha ekanamičnaha kryzisu.
Paśla pratakolnaj sustrečy Łukašenka i Surykaŭ praciahnuli razmovu ŭ farmacie «sam‑nasam».
Kamientary