Advakat łatvijskaha baskietbalista Cimy: Z rasijskaha morha jaho addali hołym, biez hrymu i balzamacyi
Advakat Marharyta Haŭryłava, jakaja pradstaŭlaje intaresy siamji zahinułaha łatvijskaha baskietbalista Janisa Cimy, raspaviała, što cieła spartoŭca adpravili ŭ Ryhu biez adzieńnia, piša «Priessboł».
— Jak možna pražyć z čałaviekam piać hadoŭ i navat trusoŭ jamu nie prynieści? Jaho z rasijskaha morha addali biez hrymu, biez balzamacyi, biez adzieńnia. Hołym. U płastykavym miašku. Jana [maci Janisa] nie mahła ŭjavić, što jon budzie lažać jak apošni kinuty nieapaznany trup z płastmasy ŭ pakiecie, jaki zhinaŭsia na tvary. Heta było žudasna, — skazała Haŭryłava ŭ prahramie «Ty nie pavieryš!».
Łatvijski baskietbalist Janis Cima skončyŭ žyćcio samahubstvam u centry Maskvy — na dzień naradžeńnia byłoj žonki, śpiavački Hanny Siedakovaj.
Jon pamior u 2024 hodzie ŭ noč na 17 śniežnia. Jamu było 32 hady. Cieła baskietbalista znajšli ŭ chostele ŭ Maskvie. Pobač lažaŭ telefon, na zastavie jakoha byŭ numar byłoj žonki, eks-salistki VIA HRA i byłoj žonki (2004-2006) biełaruskaha futbalista Valancina Bialkieviča Hanny Siedakovaj i prośba joj patelefanavać.
Kamientary