U vioscy Vialacičy Pleščyckaha sielsavieta vyjavili vypadak šalenstva ŭ dzikaj lisy. Žyviolina zajšła ŭ nasieleny punkt i napała na svojskaha sabaku, ukusiŭšy jaho.
Miascovyja žychary adrazu paviedamili pra heta ŭ Pinskuju rajonnuju vietstancyju, praviedzienyja łabaratornyja daśledavańni paćvierdzili najaŭnaść u lisy virusa šalenstva.
U suviazi z hetym Pinski rajvykankam abviaściŭ viosku niebiaśpiečnaj pa šalenstvie i ŭvioŭ tut karancin.
Ciapier u nasielenym punkcie dziejničajuć śpiecyjalnyja miery: ustanoŭlenyja abmiežavańni, pravodzicca prafiłaktyka, kab praduchilić raspaŭsiudžvańnie zachvorvańnia. Vieterynary šukajuć ludziej, jakija mahli kantaktavać z chvorym źvieram, i arhanizoŭvajuć terminovuju vakcynacyju.
Taksama śpiecyjalisty kantralujuć, jak žychary vykonvajuć praviły ŭtrymańnia svojskich žyvioł — ci zarehistravanyja jany, ci pryščeplenyja i jak vyhulvajucca.
Kamientary