U Mahilovie «Narodnuju inaŭhuracyju» Cichanoŭskaj razahnała milicyja FOTY
Na niadzielnuju akcyju pratestu ŭ Mahilovie sabrałasia niekalki dziasiatkaŭ prychilnikaŭ pieramienaŭ, jakija dźviuma kalonami sprabavali prajści centralnymi vulicami horadu. Kab ich razahnać, milicyja ŭžyła siłu i specsrodki, piša Svaboda.
Na płoščy Ardžanikidze prahučaŭ adzin streł ź śviatłašumavoj rakietnicy. Paśla hetaha, jak kažuć vidavočcy, pratestoŭcaŭ pačali bić dručkami dy žorstka zatrymlivać mužčyn. Im załomvali ruki, kłali na ziamlu, a potym kidali ŭ mikraaŭtobus. Ludzi raźbiehlisia.
U druhoj kalonie było blizu 20 čałaviek, pieravažna žančyn. Ich pačali zatrymlivać niepadalok ad abłasnoha ŭpraŭleńnia milicyi. Kali žančyn pchali ŭ mikraaŭtobus, jany mocna kryčali.
Paśla razhonu dźviuch kalon prychilniki pieramienaŭ sprabavali abjadnacca na piešachodnaj vulicy Leninskaj. Tut taksama adbylisia zatrymańni. Pratestoŭcy sprabavali adbić maładziona sa ściaham. Im heta nie ŭdałosia, ale milicyjanty pad praklony pratestoŭcaŭ źbiehli.
Paźniej AMAPaŭcy vyciaśniali ludziej z vulicy, ahladajučy dvary.
Pavodle pravaabaroncaŭ, u Mahilovie zatrymali bolš za 30 čałaviek. Siarod ich žurnalist ź internet-vydańnia «Mahiloŭski rehijon 6tv.by» Uładzimier Łapcevič.
Pieršyja zatrymańni adbylisia na płoščy pierad handlovym centram «Atryjum». Amapaŭcy praviarali ŭ minakoŭ torby i patrabavali vydalić fota ź milicyjantami z kameraŭ mabilnych telefonaŭ. Miascovy prypynak hramadzkaha transpartu zakryli. Prychilniki pieramienaŭ pasprabavali arhanizavacca ŭ inšych miescach, ale i heta im nie ŭdałosia.
Ciapier čytajuć
Kaleśnikava: U 2020‑m ja zmahałasia nie suprać Łukašenki, a za ludziej, svabodu i svabodnyja vybary52
Kamientary