Doma ŭ hałoŭnaha redaktara «Našaj Nivy» Jahora Marcinoviča pieratrus
Hałoŭnaha redaktara «Našaj Nivy» Jahora Marcinoviča zatrymali, kali jon rankam vyjšaŭ z sabakam u dvor.
Jak paviedamiła ŭ fejsbuku jaho žonka Adarja Huštyn, pieratrus źviazany z artykułam, apublikavanym u «Našaj Nivie», pra dydžeja Sakałoŭskaha, jaki śćviardžaŭ, što na Akreścina jaho źbivaŭ namieśnik ministra ŭnutranych spraŭ Barsukoŭ.
Paźniej stała viadoma, što pieratrus pravodzicca ŭ suviazi z zaviadzieńniem kryminalnaj spravy za paklop. Pra heta paviedamlaje žonka Jahora Adarja Huštyn, jakaja prysutničaje na pieratrusie.
«Zaviedzienaja sprava pa art. 188 KK — paklop. Paciarpieły — namieśnik ministra MUS Barsukoŭ, jakoha dydžej Sakałoŭski abvinavaciŭ u artykule «Našaj Nivy» ŭ źbićci na Akreścina.
U Jahora Marcinoviča pakul niama nijakaha statusu. Paśla taho, jak skončycca pieratrus, jaho paviazuć na dopyt u Centralny aparat SK.
Pieratrus pravodzić USB MUS, Jahor davaŭ im raniej tłumačeńni pa situacyi z artykułam pra Barsukova. Siońnia jany jaho vyklikali na aznajamleńnie z ekśpiertyzaj, ale nie dali navat dajechać da ich.
U Jahora jość advakat, my dabilisia, kab jon byŭ na pieratrusie, na dopyt jon taksama pajedzie», — raskazała Adarja Huštyn.
A 2-j hadzinie dnia žonka Jahora Adarja Huštyn paviedamiła, što Jahor Marcinovič — padazravany pa art. 188 Kryminalnaha kodeksu (paklop). Bližejšyja troje sutak jon praviadzie ŭ izalatary.
Ciapier čytajuć
Babaryka zojmiecca biznesam — užo adkryŭ kampaniju ŭ Hiermanii5
Babaryka zojmiecca biznesam — užo adkryŭ kampaniju ŭ Hiermanii
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu1212
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu12
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary