Pampiea: ZŠA zaklikajuć usie krainy, asabliva Rasiju, «pavažać suvierenitet Biełarusi»
Ułady ZŠA zaklikajuć usie krainy, u pieršuju čarhu Rasiju, pavažać suvierenitet Biełarusi. Z takoj zajavaj vystupiŭ u sieradu na sumiesnaj z kiraŭnikom MZS Vialikabrytanii Daminikam Raabam na pres-kanfierencyi ŭ Vašynhtonie dziaržsakratar ZŠA Majkł Pampiea, piša TASS.
Jon adznačyŭ, što vyniki praviedzienych u Biełarusi prezidenckich vybaraŭ byli falsifikavanyja, a pratesty «pa-sapraŭdnamu natchniajuć». Pampiea zapatrabavaŭ ad uładaŭ Biełarusi spynić prymianieńnie hvałtu suprać tych, chto ŭdzielničaje ŭ akcyjach pratestu. «Žorstkaść u dačynieńni da ich pavinna spynicca. Ułady pavinny vyzvalić amierykanskaha hramadzianina Vitala Šklarava, jaki byŭ zatrymany nieapraŭdana», — adznačyŭ taksama kiraŭnik zamiežnapalityčnaha viedamstva ZŠA.
Pampiea paćvierdziŭ, što ZŠA i ES abmiarkoŭvajuć mahčymaść uviadzieńnia dadatkovych sankcyj u dačynieńni da Biełarusi. «My kaardynujem [dziejańni] sa Złučanym Karaleŭstvam i našymi jeŭrapiejskimi sajuźnikami pa sankcyjach i dziela zabieśpiačeńnia taho, što asnoŭnaja ŭvaha budzie praciahvać nadavacca čakańniam biełaruskaha naroda», — padkreśliŭ dziaržsakratar.
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami21
Kamientary