«Ja vychodziła na mitynh z płakatam «Deputaty suprać nasilla». Samaja maładaja deputatka Minharsavieta skłała paŭnamoctvy
Volzie Ciesakovaj 25 hadoŭ. Dva hady tamu jana, kultarhanizatar internataŭ Studenckaha haradka BDU, była abranaja ŭ Minharsaviet. Volha stała samaj maładoj deputatkaj.
Na hetym tydni ŭ jaje instahramie źjaviŭsia zdymak zajavy ab vychadzie ź Minharsavieta:
«Zhodna z praviłami deputackaj etyki, deputat Savieta pavinien asabistym prykładam sadziejničać umacavańniu dziaržaŭnaj dyscypliny, vykanańnia hramadzianskich abaviazkaŭ, zabieśpiačeńniu pravoŭ i zakonnych intaresaŭ čałavieka i hramadzianina.
U ramkach situacyi, jakaja skłałasia ŭ Respublicy Biełaruś, ja liču niemahčymym ažyćciaŭlać dalejšuju deputackuju dziejnaść. Prašu pryniać rašeńnie ab maim daterminovym składańni paŭnamoctvaŭ».
Ci sapraŭdy Volha Ciesakova pryniała takoje rašeńnie? «NN» źviarnułasia da samoj deputatki pa tłumačeńnie.
«Heta nie fejk. Zajava była napisanaja i adniesiena jašče 17 žniŭnia. Da hetaha ŭsio daŭno išło, ale padziei, jakija adbylisia 9-13 žniŭnia nikoha nie pakinuli abyjakavymi.
Mnie zdajecca, što va ŭsich žycharoŭ Minska, a taksama bujnych haradoŭ, dzie adbyvalisia zatrymańni, byli znajomyja, jakija paciarpieli. U mianie takija taksama byli.
Kaniečnie, jany mnie raskazvali pra zatrymańni, ale možna prosta pahladzieć na čałavieka biez futbołki ci biez štanoŭ — i ŭsio stanovicca zrazumiełym.
Ja čakała niejkaj reakcyi ad našaha deputackaha korpusu, ale jaje mała. Hetaje rašeńnie vyśpiavała ŭ mianie na vychadnych 14-16 žniŭnia, a ŭ paniadziełak ja padała zajavu. Siarod deputataŭ jość tyja, chto mianie padtrymlivaje.
16 žniŭnia my vychodzili na mitynh z kaleham Paŭłam Bačarnikavym [biznesmien i deputat Minharsavieta — «NN»] z płakatam «Deputaty suprać hvałtu».
Na toj akcyi ja była jak deputat Minskaha haradskoha savieta deputataŭ, uvieś astatni čas ja chadžu jak hramadzianka Biełarusi. Była i na akcyi ŭ niadzielu, 23 žniŭnia, pieryjadyčna viečarami prychodžu i na płošču Niezaležnaści».
Ciapier čytajuć
Słova «Unavatuna» značyć «raj». Dzie na Šry-Łancy adpačyvała Mielnikava13
Kamientary