Akcyja salidarnaści ź Biełaruśsiu: 50 tysiač litoŭcaŭ stali ŭ łancuh ad Vilni da miažy
U niadzielu ŭviečary niekalki dziasiatkaŭ tysiač ludziej uzialisia za ruki i ŭtvaryli žyvy łancuh ad Kafiedralnaj płoščy ŭ Vilni da miažy Biełarusi. Akcyja «Šlach svabody» była arhanizavanaja ŭ znak salidarnaści z narodam Biełarusi, piša Delfi.
U akcyi ŭziali ŭdzieł amal 50 000 čałaviek. Ludzi ŭstali 32-kiłamietrovym žyvym łancuhom.
Akcyja prajšła 23 žniŭnia, u toj ža dzień, kali ŭ 1989 hodzie adbyŭsia Bałtyjski šlach - žyvy łancuh ad Vilni da Talina, u jakim, uziaŭšysia za ruki, stajali bolš za miljon ludziej. Tady śvietu pasłali viestku ab tym, što Litva, Łatvija i Estonija majuć namier pazbavicca ad savieckaj akupacyi i adnavić niezaležnaść.
Bolšaja častka ŭdzielnikaŭ akcyi była ŭ biełaj vopratcy, ź biełaruskimi ściahami i hładyjołusami ŭ rukach. U mierapryjemstvie ŭdzielničali prezident Litvy Hitanas Naŭsieda, eks-prezidenty Dala Hrybaŭskajcie i Vałdas Adamkus, śpikier parłamienta Viktaras Pranckiecis, ministry, deputaty, mery.
Śviatłana Cichanoŭskaja, jakaja zaraz znachodzicca ŭ Litvie, u niadzielu ŭviečary źviarnułasia da ŭdzielnikaŭ žyvoha łancuha. Jana pa-litoŭsku padziakavała ich za dapamohu i padtrymku. «Jak nichto inšy, vy razumiejecie biełarusaŭ, bo sami heta pieražyli. Ja vielmi spadziajusia, što nieŭzabavie my znoŭ stvorym žyvy łancuh, ale ŭžo nie salidarnaści, a siabroŭstva sa svabodnaj Biełaruśsiu», - skazała jana.
Nad «Šlacham svabody» pralacieli dziesiać nievialikich samalotaŭ, pa darozie jechali matacyklisty i viełasipiedysty. Na Kafiedralnaj płoščy ŭźniaŭsia ŭ nieba pavietrany šar z 15-mietrovym biełaruskim ściaham.
-
Tramp sustreŭsia ŭ Biełym domie z Zachranam Mamdani. Jany pavodzili siabie jak najlepšyja siabry
-
U HUR padziakavali amierykancam za vyzvaleńnie źniavolenych ukraincaŭ i adznačyli «kanstruktyŭnuju pazicyju kiraŭnictva Biełarusi»
-
Orban pahražaje zabłakavać jeŭrapiejskuju dapamohu Ukrainie, kali nie budzie biezumoŭna pryniaty płan Trampa
Ciapier čytajuć
Kamanda maleńkaha karybskaha vostrava Kiurasaa ŭpieršyniu ŭ historyi zhulaje na čempijanacie śvietu pa futbole. Što za vostraŭ i jak takoje atrymałasia?33
Kamientary