U piatnicu pačynajecca 73‑i čempijanat śvietu pa chakiei z šajbaj. Pierad biełaruskaj zbornaj staić zadača zaniać miesca nie nižej za šostaje.
Ad 24 krasavika da 10 traŭnia ŭ Šviejcaryi projdzie 73‑i čempijanat śvietu pa chakiei z šajbaj. Kamanda našaj krainy voźmie ŭdzieł u matčach elitnaha dyvizijonu.
U hrupu «A» ź biełarusami, jakija ŭdzielničajuć u čempijanacie dziesiaty raz u svajoj historyi, trapili vynachodniki chakieju z Kanady, Słavakija, a taksama debiutanty pieršynstva ź Vienhryi. Hrupavyja hulni našy chłopcy praviaduć u Kłatenie, što pobač ź Ciurycham. Raskład sustrečaŭ nastupny:
24 krasavika (piatnica). Biełaruś — Kanada.
26 krasavika (niadziela). Słavakija — Biełaruś.
28 krasavika (aŭtorak). Vienhryja — Biełaruś.
Pačatak usich sustrečaŭ a 17.15. Dla tych, chto nie trapić u Šviejcaryju, buduć pramyja tranślacyi na telekanale «Ład».
Dla vychadu z hrupy dastatkova nie zaniać apošniaje miesca.
U vypadku stanoŭčaha dla nas praciahu pieršynstva my traplajem na tryo ščaśliŭčykaŭ z hrupy «D», dzie sabralisia Finlandyja, Čechija, Narviehija i Danija.
Sioleta zbornuju znoŭ uznačaliŭ charyzmatyčny kanadski śpiecyjalist Hlen Chenłan, jaki try hady tamu ŭžo kiravaŭ nacyjanalnaj kamandaj. Mienavita ź jahonym imiem źviazany najbolšy pośpiech biełarusaŭ na suśvietnych pieršynstvach. U 2006 h. u Ryzie našy zaniali šostaje miesca. Ciapier zadača — uziać pazicyju jak minimum nie nižejšuju.
Šviejcarski čempijanat śvietu stanie apošniaj repietycyjaj pierad Alimpijadaj‑2010 u Vankuviery. Zavajavać miedali suśvietnaha pieršynstva taksama prestyžna, ale Alimpijskija hulni ŭsio ž kacirujucca našmat vyšej.
Taksama ŭ Šviejcaryi budzie vyznačany haspadar suśvietnaha pieršynstva pa chakiei ŭ 2014 h.Biełaruś ź Vienhryjaj značycca siarod hałoŭnych favarytaŭ, va ŭkraincaŭ i łatyšoŭ šancy našmat mienšyja. Prezientacyju Biełarusi ŭ alpijskuju krainu pajedzie rabić nievyjazny eks‑ministr Navumaŭ.
Nu a asnoŭnymi pretendentami na zołata sioletniaha čempijanatu zvykła źjaŭlajucca rasijanie, šviedy, kanadcy, čechi i finy. Napeŭna, nie pamylimsia, kali skažam, što mienavita niekamu ź ich uśmichniecca ŭdača.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary