Vałanciory, jakija na Akreścina arhanizavali «haradok» dapamohi dla zatrymanych padčas akcyj pratestu, pačali prybirać łahier. Jaho, udakładnili surazmoŭcy, nie prybirajuć całkam, a tolki skaračajuć — źmianšajuć kolkaść vałancioraŭ, meblu, abstalavańnie, piša Tut.by
Pryčyna, kažuć vałanciory, u tym, što amal usie zatrymanyja adpuščanyja, i tamu kala CIP amal nie zastałosia svajakoŭ. Tym nie mienš la izalatara zastajucca mieddapamoha, advakaty, palavaja kuchnia, psichołahi — ale minimum pradstaŭnikoŭ.
Jak raspaviadali raniej vałanciory, «haradok» dapamohi pačaŭ farmavacca ŭ kancy minułaha tydnia. Tut pracavała niekalki siektaraŭ — palavaja kuchnia, psichołahi, miedyki, advakaty. Vadzicieli prapanoŭvali biaspłatna advieźci dadomu. Akramia taho, ludzi tut mahli pahavaryć sa śviatarami roznych kanfiesij. Padtrymku tut atrymlivali zatrymanyja, jakija vychodziać na svabodu, ich rodnyja i tyja, chto, adsiedzieŭšy ŭ kamiery niekalki sutak, znoŭ viartajecca da ścien centra.
U Minsku adbylisia masavyja zatrymańni vydaŭcoŭ i kniharaspaŭsiudnikaŭ33
Kamientary