U špitali pamior 43-hadovy mužčyna z Bresta, u jakoha siłaviki strelili na pratestach. Heta treciaja achviara pratestaŭ
U vajskovym špitali Minska pamior 43-hadovy Hienadź Šutaŭ. Pra heta TUT.BY raspaviali svajaki bieraściejca. Jon atrymaŭ ahniastrelnaje ranieńnie ŭ hałavu 11 žniŭnia ŭ rajonie Maskoŭskaj administracyi Bresta padčas pratestaŭ.
Svajaki dvoje sutak nie mahli znajści Hienadzia Šutava. Vyśvietlili, što jaho dastavili spačatku ŭ Bresckuju abłasnuju balnicu, a zatym viertalotam pierapravili ŭ vajskovy špital u Minsk. Dačka Ludmiła raspaviadała TUT.BY što ŭ baćki ahniastrelnaj traŭma, «paškodžańni mozhu ciažkija i šyrokija, lekary nie dajuć nijakaha prahnozu».
Hienadź Šutaŭ pamior u špitali siońnia, 19 žniŭnia, u 10.20.
U MUS paviedamili, što ŭ Breście ŭviečary 11 žniŭnia milicyja stralała ŭ pratestujučych z ahniastrelnaj zbroi na paražeńnie. Pavodle źviestak milicyi, jość paranieny. Ci mieli jany na ŭvazie Hienadzia Šutava, nieviadoma.
Milicyja tady skazała, što na paražeńnie stralali dla abarony žyćcia i zdaroŭja supracoŭnikaŭ ad «hrupy ahresiŭna nastrojenych hramadzian z armaturaj u rukach», kali tych nie spynili papieradžalnyja streły ŭvierch.
9-11 žniŭnia ŭ chutkuju i balnicy Bresta źviarnulisia kala 100 čałaviek z udarami miakkich tkanak, traŭmami ruk i noh, hrudnoj kletki, žyvata. Špitalizavali 23 čałavieki, niekatorym ź ich spatrebilisia apieracyi.
Nahadajem, viečaram paśla vybaraŭ i nastupnym dniom u Breście adbylisia masavyja pratesty haradžan i sutyčki ź milicyjaj.
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary