Śviatłana Cichanoŭskaja zapatrabavała mirnaj pieradačy ŭłady, ličyć siabie pieramožcaj vybaraŭ
Śviatłana Cichanoŭskaja zapatrabavała mirnaj pieradačy ŭłady, ličyć siabie pieramožcaj vybaraŭ. Jaje štab śćviardžaje, što za jaje prahałasavali bolš za 70 pracentaŭ vybarcaŭ. Jaje štab maje ŭžo kala 250 pratakołaŭ z učastkaŭ.
«Ułada nas nie čuje, jana całkam adarvałasia ad naroda, ale ja pavinna paŭtaryć, što my za mirnyja pieramieny. I ŭłada pavinna zaraz padumać, jak mirnym sposabam pieradać hetuju ŭładu, tamu što na hety momant u ich tolki adzin sposab — hvałt nad mirnymi biełarusami», — zajaviła Cichanoŭskaja.
Kandydat u prezidenty Biełarusi taksama zajaviła, što ciapierašniaja ŭłada sprabuje ŭtrymać svaje pazicyi «siłavymi mietadami», choć u chodzie hałasavańnia «vybarščyki zrabili svoj vybar».
Pavodle aficyjnych danych CVK Biełarusi, za Łukašenku prahałasavali bolš za 80,2% tych, chto pryjšoŭ na ŭčastki vybarščykaŭ, za Cichanoŭskuju — 9,9%. U štabie Cichanoŭskaj vyniki nie pryznajuć.
Pa słovach davieranaj asoby Cichanoŭskaj, danyja z učastkaŭ pa ŭsioj Biełarusi pakazvajuć, što apazicyjny kandydat vyjhrała vybary, atrymaŭšy padtrymku 70-80% vybarščykaŭ.
Ciapier čytajuć
Vyzvalenyja biełaruskija palitviaźni parazmaŭlali ź Zialenskim1
Kamientary