Rolštory karystajucca papularnaściu dziakujučy šmatlikim pieravaham: jany sučasnyja, stylovyja, funkcyjanalnyja i pry hetym paraŭnalna niedarahija. Nižej my damo niekalki paradaŭ, jakija dapamohuć vybrać rolštory, najbolš prydatnyja dla vašaha doma.
Varyjanty kanstrukcyi i macavańnia
Jość dva typy kanstrukcyi.
- Kasietnyja. Kanstrukcyja ŭklučaje ŭ siabie admysłovy błok, kudy zasoŭvajecca vał sa zmatanaj štoraj, i nakiravalnyja pa bakach. Takija štory lahčej skručvajucca, a ich pruhi daŭžej zachoŭvajuć svoj pieršapačatkovy źniešni vyhlad. Kasietnyja rolštory blizka prylahajuć da akna, što nadziejna abaraniaje pakoj ad sonca.
- Rolštory, jakija svabodna visiać. Prostaja kanstrukcyja biez nakiravalnych. Pry zmotvańni štora zastajecca ŭviersie akna. U rasprastanym vyhladzie materyjał štor macujecca ŭ nižniaj častcy akna na mahnity, za košt čaho štory zastajecca pramoj pry režymie pravietryvańnia. Važnaj pieravahaj takich štor źjaŭlajecca ich nievialiki košt u paraŭnańni z kasietnymi.
Varta zahadzia pradumać i sposab macavańnia: u prodažy jość try varyjanty.
- Kłasičny. Rolštory prymacoŭvajucca da ściany nad aknom i amal całkam zakryvajuć prajom i navat padakońnik, kali jon nie zanadta šyroki. Akno estetyčna vyhladaje pry apuščanych štorach, a prychavanaja vierchniaja pruha stvaraje ŭtulnaść. Ale z-za nievialikaha zazoru pamiž akonnym prajomam i štoraj soniečnyja pramiani pranikajuć u pakoj. Heta možna vypravić, kali vybrać štoru, šyrejšuju za vokny.
- Na akno (da ramy abo stvorki). Najbolš papularny varyjant mantažu. Praktyčniej za ŭsio macavać rolštoru da stvorki: heta daje mahčymaść pravietryvać pakoj, nie zmotvajučy pałatno. Jano ščylna prylahaje da akna, što nadziejna abaraniaje ad soniečnych pramianioŭ. Minus takoha macavańnia — prajom voknaŭ pry hetym zastajecca «hołym», tamu zvyčajna jaho dadatkova dekarujuć łambrekienam abo ciulem pa bakach.
- Na stol. Taki varyjant hladzicca vielmi stylova: pry adkryćci akna zazor pamiž im i stollu zakryvajuć štory. Ale pałatno pry hetym pryjdziecca kupić bolš doŭhaje. Akramia taho, takaja štory nie prylahaje da akna, tamu varta mieć na ŭvazie, što ŭ pamiaškańnie budzie pranikać sonca.
Asablivaści pamiaškańnia
Dla žyłoha pakoja padyduć amal usie madeli rolštor: u hetym vypadku vybar zaležyć tolki ad stylu afarmleńnia pamiaškańnia i asabistych pieravah. U kłasičny interjer možna pryŭnieści sučasnyja notki za košt rolštor u styli minimalizmu. Akramia taho, možna nabyć štory z fotadrukam z darečnym dla vašaha pakoja malunkam.
Časta rolštory nabyvajuć dla kuchni. Takoje rašeńnie značna bolš praktyčnaje ŭ paraŭnańni z łambrekienami abo štorami ź ciulem, da taho ž vyhladaje stylova.
Ale majcie na ŭvazie, što tekstyl na kuchni našmat chutčej zabrudžvajecca, asabliva kali pablizu raźmieščana rakavina abo plita. Vydalić zabrudžvańni z tekstylu budzie dosyć składana, tamu varta pryhledziecca da bambukavych rolštoraŭ: jany mienš zabrudžvajucca i lohka ačyščajucca. Varyjanty z tkaniny padyduć tolki dla prastornych kuchniaŭ z mahutnaj vyciažkaj, dzie pracoŭnyja zony addalenyja ad akna.
Rolštory možna razhledzieć i ŭ jakaści varyjantu afarmleńnia vannaha pakoja, kali tam jość akno. Heta dapamoža zrabić pamiaškańnie ŭtulnym ź minimumam namahańniaŭ i hrašovych vydatkaŭ. Materyjał pry hetym varta vybrać vodanieprymalnym. Možna taksama nabyć rolštory z bambuku i inšych naturalnych materyjałaŭ. Kali ŭ vannym pakoi drennaja vientylacyja, abaviazkova ŭdakładnicie ŭ kramie, jakija rolštory bolš padychodziać dla ŭmoŭ pavyšanaj vilhotnaści.
Ciapier čytajuć
Na pratestancki fiestyval u «Čyžoŭku-Arenu» jedzie amierykanski prapaviednik Franklin Hrem. Razam ź im čakajuć Koŭła z žonkaj15
Kamientary