Forvard bresckaha «Dynama» Arciom Mileŭski raskazaŭ na svaim Jutub-kanale, jak bavić čas na samaizalacyi. Jak niadaŭna stała viadoma, u kamandzie 15 vypadkaŭ karanavirusa.
«Siadžu doma ŭžo 12-y dzień, — raskazaŭ Mileŭski. — Z doma mnie možna vychodzić na vulicu ranicaj na 15 chvilin i ŭviečary na 15 chvilin u kramu.
Stramnavata z hetaj štukaj, kali ŭ ciabie zdavałasia b stanoŭčy test, ale pry hetym niama nijakich simptomaŭ: niama kašlu, pnieŭmanii, tempieratury. Ni razu za 12 dzion nie było.
Adzinaje, kali heta ŭsio tolki pačynałasia, źnik niuch. Spačatku my žartavali, ale ŭ vyniku pieranieśli dva tury, a ŭ mnohich stanoŭčyja vyniki. Ale va ŭsich heta ŭsio prachodzić spakojna i niezaŭvažna. Jość vypadki i horšyja: ludzi z tempieraturaj, ź pnieŭmanijaj. Viadoma, usio heta drenna».
Mileŭski piša, što nudzicca na samaizalacyi, ale znachodzić i plusy: jość čas uvažliva pahladzieć matč kijeŭskaha «Dynama».
Jak paviedamlałasia raniej, z 15 chvorych u bresckim «Dynama» 10 — futbalisty.
Heta Dzianis Łapcieŭ, Jaŭhienij Chačarydzi, Usievaład Sadoŭski, Arciom Mileŭski, Maksim Vitus, Siarhiej Kryviec, Michaił Hardziajčuk, Raman Juzepčuk, Alaksandr Najok i Siarhiej Ihnatovič. Jašče piaciora zaražanych — rabotniki kłuba.
Kali ŭ bresckim «Dynama» źjavilisia pieršyja sihnały ab karanavirusie, kłub prasiŭ Biełaruskuju fiederacyju futboła pieranieści hulniu sa «Smalavičami» z 3 lipienia na inšuju datu, ale dynamaŭcam admovili.
Mileŭski, Vitus i Kryviec praviali poŭny matč sa «Smalavičami». Test, jaki daŭ stanoŭčy vynik, im zrabili tolki paśla hulni.
Taksama vybuch karanavirusa fiksavali ŭ «Haradziei» — chvaroba była paćvierdžanaja ŭ troch futbalistaŭ kamandy.
Fota na hałoŭnaj staroncy: Darja Burakina, tut.by.
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?9
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary