Capkała pra falsifikataraŭ: Ich dzieci i ŭnuki buduć biehać pa archivach i prasić vydalić infarmacyju
Valeryj Capkała, jakoha nie zarehistravali kandydatam u prezidenty, vielmi rezka vykazaŭsia ŭ adras falsifikataraŭ vybaraŭ. Jon nahadaŭ, jak svajaki nacystaŭ «biehali pa archivach, kab vydalić hetuju infarmacyju».
«My na hety raz zmahli zafiksavać usie jurydyčnyja parušeńni, jakija rabiła ŭłada, kab falsifikavać vybary. I my pieradamo hetyja zaklučeńni razam sa śpisam tych ludziej, jakija brali ŭdzieł u falsifikacyi vybaraŭ. My pieradamo ich i ŭ mižnarodnyja sudy, i ŭ mižnarodnyja arhanizacyi. Ich imiony buduć abaviazkova apublikavanyja na roznych partałach dla taho, kab i jany sami, i ich dzieci, ich unuki zmahli bačyć i «hanarycca» tymi ludźmi, jakija ŭdzielničali ŭ falsifikacyi volevyjaŭleńnia biełaruskich hramadzian.
Ja viedaju pra toje, jak paśla vajny biehali dzieci i svajaki niekatorych kałabarantaŭ, jakija supracoŭničali z fašysckaj Hiermanijaj u hady Druhoj suśvietnaj vajny, u hady akupacyi. Jak jany biehali pa roznych archivach i prasili vydalić fatahrafiju, infarmacyju pra svajakoŭ, jakija supracoŭničali z nacysckaj Hiermanijaj.
I ja ŭjaŭlaju, jak buduć biehać dzieci i ŭnuki tych, chto siońnia idzie na parušeńnie biełaruskaha zakonu», — zajaviŭ Capkała ŭ svaim videazvarocie.
Kamientary