Arcybiskup Kandrusievič stroha vykazaŭsia nakont čarhovaj pilihrymki na monakole ksiandza Zavalniuka
Na sajcie catholic.by źmieščana paviedamleńnie staršyni Kanfierencyi katalickich biskupaŭ u Biełarusi nakont pilihrymki ksiandza kanonika, probašča Čyrvonaha kaścioła Uładzisłava Zavalniuka
Nahadajem, što 29 červienia — 2 lipienia Uładzisłaŭ Zavalniuk zrabiŭ pilihrymku na monakole ŭ Budsłaŭ, dzie adbyvałasia tradycyjnaja ŭračystaść (praz karanavirus masavyja pałomnictvy byli admienienyja).
Niekalki dzion tamu źjaviłasia infarmacyja, što ajciec Zavalniuk źbirajecca na monakole abjechać pa pierymietry Biełaruś z malitvaj vybaŭleńnia krainy ad karanavirusa.
Kiraŭnik Katalickaha kaścioła Tadevuš Kandrusievič vystupiŭ z zajavaj.
«U apošnija dni ŭ sacyjalnych sietkach raspaŭsiudžvajecca infarmacyja pra pilihrymku ksiandza kanonika Uładzisłava Zavalniuka na monakole pa pierymietry Biełarusi ŭ intencyi vybaŭleńnia ad pandemii karanavirusa.
U suviazi z tym, što takaja infarmacyja časta vyklikaje nieadnaznačnuju reakcyju, paviedamlaju nastupnaje.
1. Kaścioł ź pieršych dzion raspaŭsiudžvańnia hetaj zaraznaj i vielmi niebiaśpiečnaj epidemii zaklikaŭ i dalej zaklikaje malicca ŭ intencyi vybaŭleńnia ad jaje i pieraadoleńnia vyklikanych joju nastupstvaŭ.
Dla hetaha było arhanizavana šmat pastyrskich akcyj jak na ahulnabiełaruskim, tak i na dyjacezijalnym uzroŭni.
2. Ksiondz kanonik Uładzisłaŭ Zavalniuk nie źviartaŭsia da KKBB z prapanovaj arhanizavać jaho adnaasabovuju pilihrymku pa pierymietry Biełarusi. Tamu jamu nichto nie davaŭ błahasłaŭleńnia na hetuju akcyju.
3. Pilihrymka, jakuju arhanizavaŭ ks. kanonik Uładzisłaŭ Zavalniuk, nosić pryvatny charaktar i ažyćciaŭlajecca ŭ miežach naležnaha kožnamu śviataru štohadovaha adpačynku.
4. Kananičnaje Prava Katalickaha Kaścioła (kan. 935) zabaraniaje našeńnie pry sabie Najśviaciejšaha Sakramentu, tamu ks. kanonik Uładzisłaŭ Zavalniuk nie moža brać jaho z saboj u pilihrymku», — havorycca ŭ paviedamleńni.
Praź dzieviać miesiacaŭ paśla vyzvaleńnia pamior palitviazień Valeryj Bohdan7
Kamientary