Stała viadoma, jak vyhladaje i kali budzie ŭstalavana miemaryjalnaja doška Vasilu Bykavu
Skulptar Ihar Zasimovič vyrabiŭ miemaryjalnuju došku ŭ pamiać pra narodnaha piśmieńnika Vasila Bykava. Karespandentka ahienctva «Minsk-Naviny» daviedałasia, dzie i kali jaje ŭstalujuć.
Inicyjatarami ŭstanoŭki miemaryjalnaj doški ŭ honar kłasika biełaruskaj litaratury vystupili dabračynny fond Maryi Mahdaleny Radzivił i Asacyjacyja biełarusaŭ Šviejcaryi pry padtrymcy MZS, Ministerstva kultury i Minharvykankama. Jašče ŭ 2018 hodzie źjaviłasia takaja ideja, byli sabranyja srodki na stvareńnie i ŭstanoŭku doški.
Vyrašyli zrabić viertykalnuju kampazicyju — 1,83 m u daŭžyniu i 0,5 m u šyryniu. Pamier abumoŭleny miescam ustanoŭki — na piłonie doma №10 na vulicy M. Tanka, u jakim doŭhi čas i žyŭ piśmieńnik.
Centralnuju častku doški zajmaje partret kłasika, adlity ŭ bronzie.
Sama miemaryjalnaja doška vykanana z łatunievaha lista. Na jaho naniesieny frahmient tekstu z tvora litaratara. Što kankretna, pakul nie ahučvajuć — chočuć zachavać intryhu da cyrymonii adkryćcia.
Pieršapačatkova ŭstalavać miemaryjalnuju došku płanavali ŭ mai, ale z-za pandemii vyrašyli pieranieści na bolš poźni termin — na vosień. Mahčyma, mierapryjemstva adbudziecca ŭ listapadzie. Praca hatovaja i čakaje svajho času.
Kamientary