Pra heta zajaviŭ ministr achovy zdaroŭja Biełarusi Uładzimir Karanik u prahramie «Hałoŭny efir» na telekanale «Biełaruś 1», piša Tut.by.
Pavodle jaho słoŭ, u Biełarusi situacyja z raspaŭsiudžvańniem karanavirusa zastajecca całkam kantralavanaj. «My bačym jak źnižeńnie pa inficyravanych, tak i źnižeńnie pa pacyjentach, jakija majuć uskładnieńni karanavirusnaj infiekcyi ŭ vyhladzie pnieŭmanii», — skazaŭ Karanik.
Pa stanie na 21 červienia ŭ Biełarusi zarehistravana 58,5 tysiačy vypadkaŭ karanavirusa. Pryrost za sutki — 569 vypadkaŭ. Za ŭvieś pieryjad raspaŭsiudžvańnia infiekcyi ŭ Biełarusi pamierli 346 pacyjentaŭ (plus try za apošnija sutki).
Adnak, na dumku Karanika, va ŭmovach raspaŭsiudžvańnia karanavirusa biełarusy rana rassłabilisia. «Narod staŭ mienš nadavać uvahi mieram biaśpieki», — skazaŭ ministr.
Jon jašče raz nahadaŭ, što rekamiendacyi Ministerstva achovy zdaroŭja pa abaronie asabliva ŭraźlivych hrup nasielnictva (pažyłych ludziej, hramadzian z chraničnymi zachvorvańniami) zastajucca ŭ sile. Heta sacyjalnaje dystancyjavańnie, našeńnie masak u miescach zboru ludziej, chatni režym dla hramadzian z prykmietami infiekcyjnych zachvorvańniaŭ.
U Ministerstvie achovy zdaroŭja Biełarusi nie vyklučajuć mahčymaść druhoj chvali COVID-19. Ale Karanik spadziajecca, što nazapašany vopyt pojdzie na karyść, tamu sistema achovy zdaroŭja budzie da novaj chvali hatovaja značna lepš, čym da pieršaj. Za hety čas biełaruskija miedyki vykarystoŭvali ŭsie mahčymaści, kab uzmacnić materyjalna-techničnuju bazu sistemy achovy zdaroŭja i pavysić jaje stresaŭstojlivaść.
A što tyčycca abmiežavalnych mier, to, pa słovach ministra, kłasičnaha miedycynskaha karancinu nie było ŭ nivodnaj krainie. «Abmiežavalnyja miery ŭ Biełarusi byli dastatkova žorstkija, ale jany byli kropkavyja. Heta značyć, hetyja kropkavyja miery ŭździejańnia ŭ lubym razie zastajucca. My abaraniajem najbolš nieabaronienyja słai nasielnictva», — skazaŭ Karanik.
Kamientary