Na Siarhieja Cichanoŭskaha zaviedziena novaja kryminalnaja sprava
Pa źviestkach pravaabaroncaŭ, na Siarhieja Cichanoŭskaha zaviedziena jašče adna kryminalnaja sprava — pa artykule 191 Kryminalnaha kodeksu Respubliki Biełaruś (Pieraškoda ažyćciaŭleńniu vybarčych pravoŭ, prava na ŭdzieł u refierendumie, albo realizacyi prava zakanadaŭčaj inicyjatyvy hramadzian, albo rabocie Centralnaj kamisii Respubliki Biełaruś pa vybarach i praviadzieńni respublikanskich refierendumaŭ, vybarčych kamisij, kamisij pa refierendumie, kamisij pa praviadzieńni hałasavańnia ab adklikańni deputata ).
Pieraškoda karajecca hramadskimi pracami, abo štrafam, abo papraŭčymi rabotami na termin da dvuch hadoŭ, abo abmiežavańniem voli na termin da troch hadoŭ, abo pazbaŭleńniem voli na toj ža termin.
Mienavita hetu spravu błohier mieŭ na uvazie, kali padčas razhladu jaho apielacyjnaj skarhi ŭ Homielskim abłasnym sudzie 12 červienia kazaŭ pra toje, što «na jaho paskardziłasia Lidzija Jarmošyna».
Nahadajem, što błohier Siarhiej Cichanoŭski byŭ zatrymany 29 traŭnia ŭ Hrodnie padčas pikietu pa zbory podpisaŭ za vyłučeńnie ŭ jakaści kandydata ŭ prezidenty Śviatłany Cichanoŭskaj paśla incydentu ź milicyjantam. Razam ź Cichanoŭskim i jašče praź niekalki dzion byli zatrymany jašče 9 čałaviek, jakim było pradjaŭlena abvinavačvańnie ŭ miežach č. 1 art. 342 KK RB (Arhanizacyja ci aktyŭny ŭdzieł u hrupavych dziejańniaŭ, jakija hruba parušajuć hramadski paradak).
Ciapier čytajuć
Maksim Znak: My ź Cichanoŭskaj zajšli padavać skarhu ŭ kabiniet Jarmošynaj — ale Jarmošynaj tam nie było60
Kamientary